යාපනය හැර උතුරු පළාතේ සෙසු දිස්ත්‍රික්කවලට සහ පුත්තලමට - ඇඳිරි නීතිය පැය 08 කට ඉවත් කෙරේ

Friday, 27 March 2020 - 7:48

%E0%B6%BA%E0%B7%8F%E0%B6%B4%E0%B6%B1%E0%B6%BA+%E0%B7%84%E0%B7%90%E0%B6%BB+%E0%B6%8B%E0%B6%AD%E0%B7%94%E0%B6%BB%E0%B7%94+%E0%B6%B4%E0%B7%85%E0%B7%8F%E0%B6%AD%E0%B7%9A+%E0%B7%83%E0%B7%99%E0%B7%83%E0%B7%94+%E0%B6%AF%E0%B7%92%E0%B7%83%E0%B7%8A%E0%B6%AD%E0%B7%8A%E2%80%8D%E0%B6%BB%E0%B7%92%E0%B6%9A%E0%B7%8A%E0%B6%9A%E0%B7%80%E0%B6%BD%E0%B6%A7+%E0%B7%83%E0%B7%84+%E0%B6%B4%E0%B7%94%E0%B6%AD%E0%B7%8A%E0%B6%AD%E0%B6%BD%E0%B6%B8%E0%B6%A7+-+%E0%B6%87%E0%B6%B3%E0%B7%92%E0%B6%BB%E0%B7%92+%E0%B6%B1%E0%B7%93%E0%B6%AD%E0%B7%92%E0%B6%BA+%E0%B6%B4%E0%B7%90%E0%B6%BA+08+%E0%B6%9A%E0%B6%A7+%E0%B6%89%E0%B7%80%E0%B6%AD%E0%B7%8A+%E0%B6%9A%E0%B7%99%E0%B6%BB%E0%B7%9A
පුත්තලම, වව්නියාව, මන්නාරම, කිලිනොච්චි සහ මුලතිව් යන දිස්ත්‍රික්කවලට පනවා තිබූ පොලිස් ඇඳිරි නීතිය අද උදෑසන හයට තාවකාලිකව ඉවත් කරනු ලැබුවා.

එය පස්වරු 02 ට යළි පැනවෙන බවයි ජනාධිපති මාධ්‍ය අංශය සඳහන් කළේ. එම ප්‍රදේශවල ජනතාවට අත්‍යවශ්‍ය සේවාවන් ඉටුකර ගැනීම සඳහා පහසු වන සේ මෙලෙස ඇඳිරි නීතිය ඉවත් කෙරුණද රජය ඉල්ලා සිටින්නේ සෞඛ්‍ය අංශ විසින් ලබාදී ඇති උපදෙස් අනුව කටයුතු කරන ලෙසයි.

මෙම දිස්ත්‍රික්ක හැර දිවයිනේ සෙසු දිස්ත්‍රික්ක සියල්ලටම ඇඳිරි නීතිය තවදුරටත් ක්‍රියාත්මකයි.

කොරෝනා වෛරසය ව්‍යාප්තිය සැලකිල්ලට ගෙන ඉතා අවදානම් කලාප ලෙස හඳුනාගත් කොළඹ, ගම්පහ, කළුතර සහ යාපනය යන දිස්ත්‍රික්කවලට පනවා ඇති ඇඳිරි නීතිය නැවත දැනුම්දෙනතුරු දීර්ඝ කිරීමටයි මීට පෙර පියවර ගත්තේ.

ඇඳිරි නීතිය ක්‍රියාත්මක වූවද,  ඕනෑම දිස්ත්‍රික්කයක ගොවිතැන් කටයුතු සහ කුඩා තේ වතු මෙන්ම අපනයන භෝග නිෂ්පාදන කටයුතුවල යෙදෙන ජනතාවට ඒ සඳහා අවසර හිමිවනවා.

සහල් ඇතුලූ අත්‍යාවශ්‍ය ද්‍රව්‍ය මෙන්ම එළවළු ප්‍රවාහනයටද තවදුරටත් ඉඩ සැළසෙන බවයි රජය නිවේදනය කළේ.