ලොව පුරා කොරෝනා මරණ 33,000 ඉක්මවයි - ආසාදිතයන් හත්ලක්ෂයක් - පැය 24 තුළ වැඩිම මරණ ස්පාඤ්ඤයෙන්

Monday, 30 March 2020 - 6:14

%E0%B6%BD%E0%B7%9C%E0%B7%80+%E0%B6%B4%E0%B7%94%E0%B6%BB%E0%B7%8F+%E0%B6%9A%E0%B7%9C%E0%B6%BB%E0%B7%9D%E0%B6%B1%E0%B7%8F+%E0%B6%B8%E0%B6%BB%E0%B6%AB+33%2C000+%E0%B6%89%E0%B6%9A%E0%B7%8A%E0%B6%B8%E0%B7%80%E0%B6%BA%E0%B7%92+-+%E0%B6%86%E0%B7%83%E0%B7%8F%E0%B6%AF%E0%B7%92%E0%B6%AD%E0%B6%BA%E0%B6%B1%E0%B7%8A+%E0%B7%84%E0%B6%AD%E0%B7%8A%E0%B6%BD%E0%B6%9A%E0%B7%8A%E0%B7%82%E0%B6%BA%E0%B6%9A%E0%B7%8A+-+%E0%B6%B4%E0%B7%90%E0%B6%BA+24+%E0%B6%AD%E0%B7%94%E0%B7%85+%E0%B7%80%E0%B7%90%E0%B6%A9%E0%B7%92%E0%B6%B8+%E0%B6%B8%E0%B6%BB%E0%B6%AB+%E0%B7%83%E0%B7%8A%E0%B6%B4%E0%B7%8F%E0%B6%A4%E0%B7%8A%E0%B6%A4%E0%B6%BA%E0%B7%99%E0%B6%B1%E0%B7%8A
ලොව පුරා කොරෝනා මරණ සංඛ්‍යාව 33,956 දක්වා වැඩිවී තිබෙනවා.

රටවල් 199 කින් වාර්තාවී ඇති මුළු ආසාදිතයන් සංඛ්‍යාව හත්ලක්ෂ 21,330ක් දක්වා ඉහළ ගොස් ඇති බවයි විදෙස් වාර්තා සඳහන් කළේ.

එමෙන්ම වෛරසය ආසාදනය වූවන්ගෙන් එක්ලක්ෂ 51,004 දෙනෙකු සුවය ලබා තිබෙනවා.

ගතවූ පැය 24 තුළ වැඩිම මරණ සංඛ්‍යාවක් වාර්තාවන්නේ ස්පාඤ්ඤයෙන්.

එම සංඛ්‍යාව 821ක් වන අතර, ඒ අනුව එරටින් වාර්තාවන මුළු මරණ සංඛ්‍යාව 6,803ක්.

ආසාදිතයන් සංඛ්‍යාවද 80,110 දක්වා ඉහළ ගොස් තිබෙනවා.

ලොව වැඩිම කොරෝනා ආසාදිතයන් සංඛ්‍යාවක් වාර්තාවන්නේ ඇමරිකාවෙන් වන අතර, එම සංඛ්‍යාව මේ වනවිට එක්ලක්ෂ 41,812ක් දක්වා ඉහළ ගොස් තිබෙනවා.

එරට මරණ සංඛ්‍යාවද 2,475ක් ලෙසයි දැක්වෙන්නේ.

ඇමරිකාවේ සමාජ දුරස්ථභාවය ඇතුලු සීමා කිරීම් අප්‍රේල් 30 වනදා දක්වා තවදුරටත් දීර්ඝ කළ බව ජනාධිපති ඩොනල්ඞ් ට්‍රම්ප් ප්‍රකාශ කර තිබෙනවා.

එමෙන්ම ඇමරිකාවේ කැලිෆෝනියා ප්‍රාන්තයේ පදිංචියට පැමිණ ඇති බ්‍රිතාන්‍යයේ හැරී කුමරු සහ මේගන් කුමරිය ඔවුන්ගේ ආරක්ෂක වියදම් මේ දක්වා ගෙවා නොමැති බවයි ට්‍රම්ප් ප්‍රකාශ කළේ.

ඔවුන් අදාළ වියදම් දැරිය යුතු බවද ඇමරිකානු ජනාධිපතිවරයා කියා සිටියා.

කෙසේ වෙතත් මේගන් කුමරිය හැදී වැඩී ඇත්තේ ඇමරිකාවේ ලොස් ඇන්ජලිස් නුවර වන අතර, ඇගේ මව තවමත් එහි ජීවත්වනවා.

ඇමරිකාවේ ජනප්‍රිය ගායකයෙකු වන ජෝයි ඩිෆී කොරෝනා වෛරසය ආසාදනය වීමෙන් මියගොස් ඇති බව එරට මාධ්‍ය වාර්තා කළා.

මියයනවිට ඔහු 61 හැවිරිදි වියේ පසුවුණා.

එමෙන්ම ඉතාලියේද ආසාදිතයන් සංඛ්‍යාව මේ වනවිට ලක්ෂයකට ආසන්න වී ඇති අතර, එම සංඛ්‍යාව 97,689ක්.

ගතවූ පැය 24 තුළ නව මරණ 756ක් වාර්තාවීමත් සමඟ එරට මුළු මරණ සංඛ්‍යාව 10,779 දක්වා ඉහළ ගොස් තිබෙනවා.

කෙසේ වෙතත් වෛරසය බිහිවූ චීනයේ ගතවූ පැය 24 තුළ මරණ සහ ආසාදිතයන් කිසිවෙකු වාර්තාවී නැහැ.

චීනයේ මුළු ආසාදිත සංඛ්‍යාව 81,439 ක් වන අතර, මරණ සංඛ්‍යාව ද පවතින්නේ 3,300ක් ලෙසයි.

ජර්මනියේද මුළු ආසාදිත සංඛ්‍යාව මේ වනවිට 62,095 ක් දක්වා වැඩිවී ඇති අතර, මරණ සංඛ්‍යාව 541ක්.

මේ අතර කොරෝනා වෛරසය හමුවේ ආර්ථික අර්බුදයකට රට මුහුණ දෙනු ඇතැයි හටගත් මානසික පීඩාව මත ජර්මනියේ හෙසෙයි ප්‍රාන්තයේ මුදල් අමාත්‍යවරයා සියදිවි හානිකරගෙන තිබෙනවා.

54 හැවිරිදි තෝමස් ෂැෆර් නැමති මෙම අමාත්‍යවරයාගේ සිරුර ඊයේ හමුවී ඇත්තේ දුම්රිය මාර්ගයක් අසළ තිබියදියි.

නේපාලයේද කොරෝනා වෛරසය ව්‍යාප්තියත් සමඟ එරට පනවා තිබූ සීමාකිරීම් සහ නගර වසා දැමීම් තවත් සතියකින් දීර්ඝ කර තිබෙනවා.

අසල්වැසි ඉන්දියාවේද කොරෝනා ආසාදිතයන්ගේ සංඛ්‍යාව දහස ඉක්මවා තිබෙනවා.

ගතවූ පැය 24 තුළ නව ආසාදිතයන් 37ක් වාර්තාවීමත් සමඟ මුළු ආසාදිත සංඛ්‍යාව 1,024ක් දක්වා වැඩිවී ඇති බවයි විදෙස් වාර්තා සඳහන් කළේ.

එමෙන්ම එරට මරණ සංඛ්‍යාවද 27 දක්වා ඉහළ ගොස් තිබෙනවා.

එමෙන්ම ඉන්දියාවේ ඇඳිරි නීතිය පනවා තිබියදී රාජකාරි පැහැරහැරිම සම්බන්ධයෙන් දිල්ලි රජයේ ජ්‍යෙෂ්ඨ නිලධාරීන් දෙදෙනෙකුගේ වැඩ තහනම් කිරීමට එරට රජය පියවර ගත්තා.


මෙරට සමස්ත ආසාදිතයන් සංඛ්‍යාව 1635 දක්වා ඉහලට
Monday, 01 June 2020 - 17:52

තවත් කොරෝනා අසාදිතයෙකු වාර්තාවීමත් සමඟ මෙරට සමස්ත ආසාදිතයන්... Read More

පියාගේ අභාවයෙන් පසු මුල්වරට හිරුට කතාකළ ජීවින් තොන්ඩමන්
Monday, 01 June 2020 - 17:50

ශ්‍රී ලංකාවේ දමිළ ජනතාව බෙහෙවින් ආදරය කළ දේශපාලඥයෙක් වූ ආරුමුගන්... Read More

මැතිවරණ දිනයට එරෙහි පෙත්සම් සලකා බැලීම අවසන් - විභාගයට ගන්නවාද නැද්ද, තීරණය හෙට පස්වරුවේ
Monday, 01 June 2020 - 17:21

ජුනි මස 20 වනදා මහ මැතිවරණය පැවැත්වීම සහ ජනාධිපතිවරයා විසින්... Read More