මෙරට 10 වන කොරෝනා මරණය වාර්තාවෙයි - මියගිය කාන්තාව කුවේට් සිටි පැමිණි අයෙක් (වීඩියෝ)

Monday, 25 May 2020 - 17:07

%E0%B6%B8%E0%B7%99%E0%B6%BB%E0%B6%A7+10+%E0%B7%80%E0%B6%B1+%E0%B6%9A%E0%B7%9C%E0%B6%BB%E0%B7%9D%E0%B6%B1%E0%B7%8F+%E0%B6%B8%E0%B6%BB%E0%B6%AB%E0%B6%BA+%E0%B7%80%E0%B7%8F%E0%B6%BB%E0%B7%8A%E0%B6%AD%E0%B7%8F%E0%B7%80%E0%B7%99%E0%B6%BA%E0%B7%92+-+%E0%B6%B8%E0%B7%92%E0%B6%BA%E0%B6%9C%E0%B7%92%E0%B6%BA+%E0%B6%9A%E0%B7%8F%E0%B6%B1%E0%B7%8A%E0%B6%AD%E0%B7%8F%E0%B7%80+%E0%B6%9A%E0%B7%94%E0%B7%80%E0%B7%9A%E0%B6%A7%E0%B7%8A+%E0%B7%83%E0%B7%92%E0%B6%A7%E0%B7%92+%E0%B6%B4%E0%B7%90%E0%B6%B8%E0%B7%92%E0%B6%AB%E0%B7%92+%E0%B6%85%E0%B6%BA%E0%B7%99%E0%B6%9A%E0%B7%8A+%28%E0%B7%80%E0%B7%93%E0%B6%A9%E0%B7%92%E0%B6%BA%E0%B7%9D%29
මෙරට 10 වන කොවිඩ්-19 මරණය අද වාර්තා වුණා.

ඒ, කුවේට් රාජ්‍යයේ සිට පැමිණ ත්‍රිකුණාමලය - මන්කි බ්‍රිජ් යුද හමුදා කඳවුරේ නිරෝධායනයට ලක්වෙමින් සිටි 51 හැවිරිදි කාන්තාවක්.

ඊයේ රාත්‍රියේ ජීවිතක්ෂයට පත්ව ඇති ඇය පයාගල ප්‍රදේශයේ පදිංචිකාරිණියක වන අතර පසුගිය 20 වන දා එම කාන්තාව කුවේට් රාජ්‍යයේ සිට මෙරටට පැමිණ ඇත්තේ 466 දෙනෙකුගෙන් යුත් කණ්ඩායමක් සමඟයි.  

මෙම කාන්තාවගේ දේහය මේ වන විට ත්‍රිකුණාමලය රෝහලේ මෘත ශරීරාගාරයේ තැන්පත් කර තිබෙනවා.

ඇගේ දේහය පිළිබඳ අවසන් කටයුතු නිරෝධායන නීති රීතිවලට අනුව සිදුකිරීමට නියමිතයි.  

කුවේට් රාජ්‍යයේ සිට පසුගිය දා මෙරටට පැමිණි තවත් 21 දෙනෙකුට කොරෝනා වැළදී ඇති බවට අද තහවුරු වී තිබෙනවා.

රජයේ ප්‍රවෘත්ති අධ්‍යක්ෂ ජනරාල් නාලක කළුවැව සඳහන් කළේ ඔවුන් 21 දෙනාම නිරෝධායන මධ්‍යස්ථානවල නිරෝධායනයට ලක්වන පුද්ගලයින් බවයි. ඒ සමඟ මෙරටින් හමුවූ කොරෝනා ආසාදිතයින්ගේ සංඛ්‍යාව 1162 දක්වා ඉහළ ගොස් තිබෙනවා.

එමෙන්ම, සුවය ලැබූ තවත් රෝගීන් 21 දෙනෙකු අද රෝහල් වලින් පිටව ගියා.

මේ අනුව, මෙරට සුවය ලැබූ කොරෝනා ආසාදිතයින් සංඛ්‍යාව 695 දක්වා ඉහළ ගොස් ඇති අතර, රෝගීන් 457ක් තවදුරටත් වෛද්‍ය අධික්ෂණය යටතේ ප්‍රතිකාර ලබනවා.

පසුගිය 20 වන දා කුවේට් ගුවන් සේවයට අයත් යානා දෙකකින් ශ්‍රී ලාංකිකයින් 466 දෙනෙකු දිවයිනට එවා තිබුණේ එරට රජය විසින්.

නීතිවිරෝධී සංක්‍රමණිකයින්ට ලියාපදිංචිවීම සඳහා කුවේට් රජය පොදු සමා කාලයක් ප්‍රකාශයට පත් කර තිබූ අතර, එලෙස ලියාපදිංචි වූ පිරිසකුයි මෙරටට එවා තිබුණේ.

එසේම ඊයේ වාර්තා වූ කොරෝනා ආසාදිතයින් පනස් දෙදෙනාගෙන් 49 දෙනෙකු ද මෙලෙස පැමිණ නිරෝධායනයට ලක්වෙමින් සිටි පිරිසක් බව තහවුරු වුණා.

කෙසේ වෙතත්, පසුගිය 20 වන දා කුවේට් රාජ්‍යයේ සිට පැමිණි ඉතිරි පිරිස ද පී.සී.ආර්. පරීක්ෂණයට ලක් කිරීමට සෞඛ්‍ය අංශ පියවර ගෙන තිබෙනවා.

මෙම තත්ත්වය මත ඉදිරියේදී විදේශ රටවල සිටින ශ්‍රී ලාංකිකයින් යළි මෙරටට ගෙන්වා ගැනීමේ ක්‍රියාවලිය ප්‍රමාද විය හැකි බව ද ජනාධිපති අතිරේක ලේකම්වරයා සඳහන් කළා.

මේ අතර, ගුවන් තොටුපළ හා ගුවන් සේවා සමාගමේ උප සභාපති රජිව් සූරියආරච්චි කියා සිටියේ හෙට උදෑසන 5.45ට දෝහා කටාරයේ සිට මගීන් 273කට ආසන්න පිරිසක් සමඟ පැමිණීමට නියමිතව තිබූ ගුවන් යානය තාවකාලිකව අවලංගු කිරීමට තීරණය කළ බවයි.

කෙසේ නමුත්, බෙලරූස් රාජ්‍යයේ සිට ශ්‍රී ලාංකික සිසුන් රැගෙන ලබන 28 වන දා පැමිණීමට නියමිත ගුවන් යානය මෙන්ම, 29 වන දා  ඕස්ට්‍රේලියාවේ සිට පැමිණෙන ගුවන් යානය කටුනායක ගුවන් තොටුපළ වෙත ළඟාවනු ඇති.





අයිශ්වර්යා රායිට සහ ඇගේ දියණියටත් කොරෝනා
Sunday, 12 July 2020 - 15:13

කොරෝනා ආසාදිත බව තහවුරු වූ සුපිරි ඉන්දීය නළු අමිතා භච්චන්ගේ... Read More

තියුණු ආයුධයක් රැගෙන යතුරුපැදියකින් ගමන් කළ දෙදෙනෙකු අත්අඩංගුවට
Sunday, 12 July 2020 - 14:57

කිලිනොච්චිය - පුලියන්පොක්කනෙයි ප්‍රදේශයේදී තියුණු ආයුධයක්... Read More

උණුසුම් වන දේශපාලන වේදිකාවේ පක්ෂ විපක්ෂ විවිධ අදහස් (වීඩියෝ)
Sunday, 12 July 2020 - 14:52

උණුසුම් වන දේශපාලන වේදිකාවේ පක්ෂ විපක්ෂ දේශපාලනඥයින් අදත්... Read More