වැසිකිළි වලකට වැටී පාසල් දැරියක් ජීවිතක්ෂයට

Sunday, 31 May 2020 - 16:04

%E0%B7%80%E0%B7%90%E0%B7%83%E0%B7%92%E0%B6%9A%E0%B7%92%E0%B7%85%E0%B7%92+%E0%B7%80%E0%B6%BD%E0%B6%9A%E0%B6%A7+%E0%B7%80%E0%B7%90%E0%B6%A7%E0%B7%93+%E0%B6%B4%E0%B7%8F%E0%B7%83%E0%B6%BD%E0%B7%8A+%E0%B6%AF%E0%B7%90%E0%B6%BB%E0%B7%92%E0%B6%BA%E0%B6%9A%E0%B7%8A+%E0%B6%A2%E0%B7%93%E0%B7%80%E0%B7%92%E0%B6%AD%E0%B6%9A%E0%B7%8A%E0%B7%82%E0%B6%BA%E0%B6%A7
වැසිකිළි වලකට වැටීමෙන් පාසල් දැරියක් ජීවිතක්ෂයට පත්ව තිබෙනවා.

මෙලස ජීවිතක්ෂයට පත්ව ඇත්තේ උඩුපිල, ඉසිගිණිකන්ද ප්‍රදේශයේ පදිංචිව සිටි අවුරුදු 14 ක පාසල් දැරියක් බවයි වාර්තා වන්නේ.

දැරියගේ මරණය සම්බන්ධයෙන් ඇයගේ පියාගෙන් පොලීසිය කළ සාක්ෂි විමසිමකදී ඔහු පවසා ඇත්තේ වැසිකිළි වලෙන් වහනයවන දුඟද පාලනය කිරීම සඳහා එහි මතුපිට කොන්ක්‍රීට් තට්ටුව ඔසවා වල තුළට කාබයිඩ් දැමු බවයි.

අනතුරුව වැසිකිළි වලේ කොන්ක්‍රීට් තට්ටුව විශාල ශබ්දයක් සමඟ පුපුරා ගිය බවත් එම අවස්ථාවේ කොන්ක්‍රීට් තට්ටුව මත සිටි දැරිය වල තුළට වැටුණු බවත් ඔහු වැඩිදුරටත් සාක්ෂි දෙමින් පවසා තිබෙනවා.

දැරියගේ මරණ සම්බන්ධයෙන් වන පශ්චාත් පරීක්ෂණය ගම්පහ මහ රෝහලේදී අද (31) සිදුකළ බවයි අප වාර්තාකරු පැවසුවේ.

මෙම අනතුරෙන් බරපතල තුවාල ලැබූ දැරියගේ මව ගම්පහ රෝහලේ ප්‍රතිකාර ලබනවා.


Follow US

facebook youtube 32ins 32ins twitter 32ins 32ins

Most Viewed Stories