කන්දකාඩු නිරෝධායන මධ්‍යස්ථානයෙන් හමුවූ කොවිඩ් ආසාදිතයින් ගණන 519 දක්වා ඉහළට

Tuesday, 14 July 2020 - 7:24

%E0%B6%9A%E0%B6%B1%E0%B7%8A%E0%B6%AF%E0%B6%9A%E0%B7%8F%E0%B6%A9%E0%B7%94+%E0%B6%B1%E0%B7%92%E0%B6%BB%E0%B7%9D%E0%B6%B0%E0%B7%8F%E0%B6%BA%E0%B6%B1+%E0%B6%B8%E0%B6%B0%E0%B7%8A%E2%80%8D%E0%B6%BA%E0%B7%83%E0%B7%8A%E0%B6%AE%E0%B7%8F%E0%B6%B1%E0%B6%BA%E0%B7%99%E0%B6%B1%E0%B7%8A+%E0%B7%84%E0%B6%B8%E0%B7%94%E0%B7%80%E0%B7%96+%E0%B6%9A%E0%B7%9C%E0%B7%80%E0%B7%92%E0%B6%A9%E0%B7%8A+%E0%B6%86%E0%B7%83%E0%B7%8F%E0%B6%AF%E0%B7%92%E0%B6%AD%E0%B6%BA%E0%B7%92%E0%B6%B1%E0%B7%8A+%E0%B6%9C%E0%B6%AB%E0%B6%B1+519+%E0%B6%AF%E0%B6%9A%E0%B7%8A%E0%B7%80%E0%B7%8F+%E0%B6%89%E0%B7%84%E0%B7%85%E0%B6%A7
කන්දකාඩු පුනරුත්ථාපන මධ්‍යස්ථානයේ කොරෝනා වෛරස් ආසාදනය වූ සංඛ්‍යාව 519 දක්වා ඉහළ ගොස් තිබෙනවා.

ඉන් 440ක්ම රැදවියන් වන බවයි යුද හමුදාපති ලුතිනන් ජෙනරාල් ශවේන්ද්‍ර සිල්වා කියා සිටියේ.

එමෙන්ම, පසුගිය දින කිහිපය තුළ පුද්ගලයින් 800කට ආසන්න ප්‍රමාණයක් නිරෝධානයට ලක් කර ඇති බව ද යුද හමුදාපතිවරයා ප්‍රකාශ කළා.  

ඊයේ (14) දිනයේදී අනුරාධපුර - රාජාංගණය යාය 1,3 සහ 5 යන ප්‍රදේශවල සංචරණ සීමා පැනවීමට ද සෞඛ්‍ය අංශ පියවර ගනු ලැබුවා.

දැනට රාජාංගණය ප්‍රදේශයෙන් පමණක් කොරෝනා ආසාදිතයින් 16 දෙනෙකු හඳුනාගෙන තිබෙනවා.

මේ අතර තවත් කොරෝනා ආසාදිතයින් 29 දෙනෙකු ඊයේ දිනයේදීත් වාර්තා වීමත් සමඟ මෙරට සමස්ත කොරෝනා ආසාදිත සංඛ්‍යාව 2646 දක්වා ඉහළ ගියා.

ඉන් 14 දෙනෙකු කන්දකාඩු පුනරුත්ථාපන මධ්‍යස්ථානයෙන් සහ 11 දෙනෙකු සේනපුර පුනරුත්ථාපන මධ්‍යස්ථානයෙන් සොයා ගනු ලැබූ අතර, රාජාංගණය ප්‍රදේශයෙන් තවත් ආසාදිතයින් දෙදෙනෙකු වාර්තා වුණා.

මීට අමතරව මාලදිවයිනේ සිට මෙරටට පැමිණ නිරෝධායනය වන පුද්ගලයින් දෙදෙනෙකුටත් කොරෝනා ආසාදනය වී ඇති බවයි රජයේ ප්‍රවෘත්ති දෙපාර්තමේන්තුව සඳහන් කළේ.