ලියාපදිංචි වාහන සඳහා මූල්‍ය පහසුකම් සියයට 80 දක්වා ඉහළ නංවයි

Saturday, 27 February 2021 - 10:38

%E0%B6%BD%E0%B7%92%E0%B6%BA%E0%B7%8F%E0%B6%B4%E0%B6%AF%E0%B7%92%E0%B6%82%E0%B6%A0%E0%B7%92+%E0%B7%80%E0%B7%8F%E0%B7%84%E0%B6%B1+%E0%B7%83%E0%B6%B3%E0%B7%84%E0%B7%8F+%E0%B6%B8%E0%B7%96%E0%B6%BD%E0%B7%8A%E2%80%8D%E0%B6%BA+%E0%B6%B4%E0%B7%84%E0%B7%83%E0%B7%94%E0%B6%9A%E0%B6%B8%E0%B7%8A+%E0%B7%83%E0%B7%92%E0%B6%BA%E0%B6%BA%E0%B6%A7+80+%E0%B6%AF%E0%B6%9A%E0%B7%8A%E0%B7%80%E0%B7%8F+%E0%B6%89%E0%B7%84%E0%B7%85+%E0%B6%B1%E0%B6%82%E0%B7%80%E0%B6%BA%E0%B7%92
ලියාපදිංචි වාහන සඳහා ලබාදෙන මූල්‍ය පහසුකම් වාහනයේ වටිනාකමින් සියයට 80 දක්වා ඉහළ නැංවීමට මහබැංකුව තීරණය කර තිබෙනවා.

ඊට අදාළ නියෝගය මහබැංකුවේ මූල්‍ය මණ්ඩලය මගින් බැංකු නොවන මූල්‍ය ආයතන වෙත යොමුකර ඇත්තේ පසුගිය 17 වනදායි.

මූල්‍ය ව්‍යාපාර පනතේ 12 වන වගන්තිය යටතේ නිකුත් කර ඇති අදාළ නියෝගය අනුව, පළමු ලියාපදිංචියෙන් පසු මෙරට වසරකට වැඩි කාලයක් භාවිත කළ වාහනවලට ඒවායේ වටිනාකමින් සියයට 80 දක්වා මූල්‍ය පහසුකම් ලබා ගත හැකියි.

පසුගිය වසරේ අප්‍රේල් මාසයේ මහබැංකුව නිකුත් කළ නියෝගයකට අනුව, වසරකට වඩා පැරණි වාහන සඳහා ලබා ගත හැකිවූයේ සියයට 70 දක්වා මූල්‍ය පහසුකම් පමණයි.

කෙසේ නමුත්, පසුගිය වසරේ පැනවුණු වාහන ආනයන තහනම තවදුරටත් ක්‍රියාත්මක වන අතර, මේ වනවිට භාවිත කළ වාහනවල මිල ගණන් සියයට 30 දක්වා ඉහළ ගොස් ඇති බව සඳහන්.

මේ අතර, රජයේ ආයතන විසින් භාවිත කරනු ලබන සියලු රථවාහන පිළිබඳ තොරතුරු යාවත්කාලීන කිරීමට මුදල් අමාත්‍යාංශය තීරණය කර තිබෙනවා.

එහි ලේකම් එස්.ආර්. ආටිගල හිරු ප්‍රවෘත්ති අංශයට සඳහන් කළේ එම රථ වාහන පිලිබඳ තොරතුරු ලබන මස 15 වනදාට පෙර ලබා දෙන ලෙස සියලු රාජ්‍ය ආයතන ප්‍රධානීන්ට දැනුම්දී ඇති බවයි.

ඒ අනුව, අමාත්‍යාංශ, රාජ්‍ය අමාත්‍යාංශ, සංස්ථා, ව්‍යවස්ථාපිත මණ්ඩල ඇතුළු රාජ්‍ය ආයතනවලින් මෙම තොරතුරු ලබා ගැනීමට තීරණය කර ඇති බව ද මුදල් අමාත්‍යාංශ ලේකම්වරයා සඳහන් කළා.