ජපාන අගමැති වොෂින්ටන් නුවරට

Friday, 16 April 2021 - 15:02

%E0%B6%A2%E0%B6%B4%E0%B7%8F%E0%B6%B1+%E0%B6%85%E0%B6%9C%E0%B6%B8%E0%B7%90%E0%B6%AD%E0%B7%92+%E0%B7%80%E0%B7%9C%E0%B7%82%E0%B7%92%E0%B6%B1%E0%B7%8A%E0%B6%A7%E0%B6%B1%E0%B7%8A+%E0%B6%B1%E0%B7%94%E0%B7%80%E0%B6%BB%E0%B6%A7
ජපාන අග්‍රාමාත්‍ය යොෂින්ඩේ සුගා, ජනපති ජෝ බයිඩ්න් සමඟ සාකච්ඡා කිරිම සඳහා ඇමරිකාවේ වොෂින්ටන් නුවරට ඊයේ ළඟාවුණා.

ට්‍රම්ප් පරිපාලනයේදී අවිනිශ්චිතව පැවති ඇමරිකානු ජපාන සබඳතා තහවුරු කරමින් නායකයන් දෙදෙනා අතර හමුව අද පැවැත්වීමට නියමිතයි.

බයිඩ්න් පරිපාලනය සහ ජපාන අග්‍රාමාත්‍යවරයා අතර පැවැත්වෙන පළමු නිල සාකච්ඡාව ද මෙයයි.  

ටෝකියෝ නුවරින් නික්මීමට පෙර ජපාන අග්‍රාමාත්‍ය යොෂින්ඩේ සුගා, කියා සිටියේ නිදහස, ප්‍රජාතන්ත්‍රවාදය, මානව අයිතිවාසිකම් සහ නීතියේ ආධිපත්‍යය යන විශ්ව අගයන් මත පදනම් වූ ඇමෙරිකානු ජපාන සන්ධානය සිය චාරිකාවෙන් තවදුරටත් ශක්තිමත් වනු ඇති බවයි.

ඇමෙරිකානු සහ ජපාන නායකයන් අතර සාකච්ඡාවේදී තායිවාන සමුද්‍ර සන්ධිය ඇතුළු කලාපීය මුහුදු තීරයන්හි සාමය හා ස්ථාවරභාවය මෙන්ම, චීනයේ ආධිපත්‍ය පිළිබඳව අදහස් හුවමාරු කර ගනු ඇති.