සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර වෙලිංග්ටන්හි දී මේ වනවිට පැවැත්වෙන (19) දෙවැනි ටෙස්ට් දිනයේ තුන්වැනි දිනයේ දී කුසල් මෙන්ඩිස් අර්ධ ශතකයක් ලබා ගැනීමට සමත් වුණා.

කුසල් මෙන්ඩිස් සිය අර්ධ ශතකය ලබා ගැනීමට හතරේ පහර 08ක් එල්ල කළා.

සිය 17 වැනි අර්ධ ශතකයට අද දිනයේ දී හිමිකම් කියූ කුසල් මෙන්ඩිස් මේ වනවිට පිටියේ රැඳී සිටින්නේ ඇන්ජලෝ මැතිව්ස් ද සමගින්.

සිය පළමු ඉනිමට නවසීලන්ත කණ්ඩායමෙන් 580ක ඉලක්කයක් හිමිවුණා.

ශ්‍රී ලංකා කණ්ඩායමට සිය පළමු ඉනිමට ලබාගත හැකි වූයේ සියල්ලන්ම දැවී ලකුණු 164ක් පමණි.

සිය දෙවැනි ඉනිම ඇරඹූ ශ්‍රී ලංකා කණ්ඩායම මේ වනවිට කඩුලු 02ක් දැවී ලකුණු 112ක් ලබා සිටින්නේ නවසීලන්ත පළමු ඉනිමට වඩා ලකුණු 304ක් පිටිපසින්.