පෑලියගොඩ මත්ස්‍ය වෙළද සංකීර්ණයේ මාලුන්ගේ ගුණාත්මකභාවය ගැන ගැටලුවක්

Wednesday, 10 July 2024 - 15:06

%E0%B6%B4%E0%B7%91%E0%B6%BD%E0%B7%92%E0%B6%BA%E0%B6%9C%E0%B7%9C%E0%B6%A9+%E0%B6%B8%E0%B6%AD%E0%B7%8A%E0%B7%83%E0%B7%8A%E2%80%8D%E0%B6%BA+%E0%B7%80%E0%B7%99%E0%B7%85%E0%B6%AF+%E0%B7%83%E0%B6%82%E0%B6%9A%E0%B7%93%E0%B6%BB%E0%B7%8A%E0%B6%AB%E0%B6%BA%E0%B7%9A+%E0%B6%B8%E0%B7%8F%E0%B6%BD%E0%B7%94%E0%B6%B1%E0%B7%8A%E0%B6%9C%E0%B7%9A+%E0%B6%9C%E0%B7%94%E0%B6%AB%E0%B7%8F%E0%B6%AD%E0%B7%8A%E0%B6%B8%E0%B6%9A%E0%B6%B7%E0%B7%8F%E0%B7%80%E0%B6%BA+%E0%B6%9C%E0%B7%90%E0%B6%B1+%E0%B6%9C%E0%B7%90%E0%B6%A7%E0%B6%BD%E0%B7%94%E0%B7%80%E0%B6%9A%E0%B7%8A
නිසි ගබඩා කිරීමේ පහසුකම් නොමැතිකමින් ගුණාත්මක මත්ස්‍යයින් මිලදී ගැනීමේ අවස්ථාව ජනතාවට අහිමි වී ඇති බව පෑලියගොඩ මධ්‍යම මත්ස්‍ය වෙළෙඳ සංකීර්ණයේ වෙළෙඳුන් පවසනවා.

මේ හේතුවෙන් දිනකට මසුන් කිලෝ ලක්ෂයකට අධික ප්‍රමාණයක් අපතේ යන බවයි ඔවුන් පෙන්වා දෙන්නේ.

පෑලියගොඩ මධ්‍යම මත්ස්‍ය වෙළෙඳ සංකීර්ණයේ මත්ස්‍ය අස්වැන්න අධික වීමත් සමග නිසි ගබඩා පහසුකම් ප්‍රමාණවත් නොවන බවට වෙළෙඳුන් පෙන්වා දෙනවා.

ධීවර අමාත්‍යාංශයෙන් ඊට නිසි ක්‍රමවේදයක් සකසා නොදීම හේතුවෙන් ගැටලු රැසක් මතුව ඇති බවයි ඔවුන් පෙන්වා දෙන්නේ.

එමෙන්ම අතිරික්ත මත්ස්‍ය අස්වැන්න සහ ඉවත් කරන මත්ස්‍ය කොටස් එකතු කර පොහොර සැකසීමේ අංගනයක්ද මෙම පෑලියගොඩ මත්ස්‍ය වෙළෙඳ සංකීර්ණයේ ස්ථාපිත කර තිබෙනවා.

එවන් පසුබිමක ගුණාත්මක බවින්යුත් මාළු මෙම වෙළෙඳපොළේ ඉතා අධික මිලක් යටතේ අලෙවි වන බවයි පාරිභෝගිකයින් පවසන්නේ.

මේ සඳහා බලධාරීන්ගේ අවධානය යොමු කර නිසි වැඩපිළිවෙළක් සකසා දෙන ලෙස වෙළෙඳුන් ඉල්ලා සිටිනවා.


Follow US

facebook youtube 32ins 32ins twitter 32ins 32ins

Most Viewed Stories