අගවිනිසුරුවරියට එරෙහි දෝෂාභියෝග යෝජනාවට පක්ෂව ඡන්දය ලබාදුන් සිය පක්ෂයේ පාර්ලිමේන්තු මන්ත්රී වයි.ජී.පද්මසිරි සම්බන්ධයෙන් ගත යුතු පියවර පිළිබඳ සාකච්ඡා කිරීමට ලංකා සම සමාජ පක්ෂය සූදානම් වනවා. ඒ අනුව, ඉදිරි සතියේදී ලංකා සම සමාජ පක්ෂයේ මධ්යම කාරක සභාව රැස්වෙනු ඇති බවයි එහි ජ්යෙෂ්ඨ ප්රකාශකයෙකු සඳහන් කළේ. වයි.ජී.පද්මසිරි මන්ත්රීවරයා සම්බන්ධයෙන් විනයානුකූල පියවරක් ගන්නේ ද නැද්ද යන්න සම්බන්ධයෙන් එහිදී වැඩිදුරටත් සාකච්ඡා කෙරෙනු ඇති. ඊට අමතරව, වයි.ජී.පද්මසිරි මන්ත්රීවරයාට ද දෝෂාභියෝග යෝජනාවට පක්ෂව ඡන්දය ලබාදීමට හේතු වූ කරුණු සම්බන්ධයෙන් අදහස් දැක්වීමට අවස්ථාවක් ලබාදෙන බවයි එම ජ්යෙෂ්ඨ ප්රකාශකයා වැඩිදුරටත් සඳහන් කළේ.
Follow US
Most Viewed Stories