කහවත්ත පොලීසියේ 30කට ස්ථාන මාරු.

Monday, 14 January 2013 - 18:40

%E0%B6%9A%E0%B7%84%E0%B7%80%E0%B6%AD%E0%B7%8A%E0%B6%AD+%E0%B6%B4%E0%B7%9C%E0%B6%BD%E0%B7%93%E0%B7%83%E0%B7%92%E0%B6%BA%E0%B7%9A+30%E0%B6%9A%E0%B6%A7+%E0%B7%83%E0%B7%8A%E0%B6%AE%E0%B7%8F%E0%B6%B1+%E0%B6%B8%E0%B7%8F%E0%B6%BB%E0%B7%94.


කහවත්ත  පොලීසියට අනුයුක්තව සේවය කළ නිලධාරීන් 30 දෙනෙකු වහාම ක්‍රියාත්මක වන පරිදි මාරු කර තිබෙනවා. රත්නපුර ජ්‍යෙෂ්ඨ පොලිස් අධිකාරී වාස් ගුණවර්ධන සඳහන් කළේ ඊයේ (13) සිට ක්‍රියාත්මක වන පරිදි මොවුන් මාරු කර යවා ඇති බවයි. තවත් පොලිස් නිලධාරීන් තිස් දෙදෙනෙකු මාරු කිරීම සඳහා ඉදිරියේ දී කටයුතු සැලසුම් කර ඇති බව සඳහන්. ජ්‍යෙෂ්ඨ පොලිස් අධිකාරී වාස් ගුණවර්ධන කියා සිටියේ මෙම පිරිස වසර 5කට වඩා එම පොලීසියේ රාජකාරී කටයුතු කිරීම හේතුවෙන් සාමාන්‍ය මාරු කිරීමේ පටිපාටිය මත ස්ථාන මාරු ලබාදී ඇති බවයි.


කහවත්ත - කොටකෙතන ප්‍රදේශයේ පසුගිය දා සිදුවූ කාන්තා ඝාතන සම්බන්ධයෙන් නීතිය හරිහැටි ක්‍රියාත්මක නොකළ බවට ඇතැම් පොලිස් නිලධාරීන්ට චෝදනා එල්ල වුණා. මෙම සිදුවීම් ද අදාළ මාරුකිරීම්වලට හේතු වන්නට ඇති බවයි පොලිස් ආරංචිමාර්ග සඳහන් කළේ.