මාරවිල රෝහලේ එන්නත් කුප්පියක වීදුරු කැබැල්ලක්.

Thursday, 24 January 2013 - 12:55

%E0%B6%B8%E0%B7%8F%E0%B6%BB%E0%B7%80%E0%B7%92%E0%B6%BD+%E0%B6%BB%E0%B7%9D%E0%B7%84%E0%B6%BD%E0%B7%9A+%E0%B6%91%E0%B6%B1%E0%B7%8A%E0%B6%B1%E0%B6%AD%E0%B7%8A+%E0%B6%9A%E0%B7%94%E0%B6%B4%E0%B7%8A%E0%B6%B4%E0%B7%92%E0%B6%BA%E0%B6%9A+%E0%B7%80%E0%B7%93%E0%B6%AF%E0%B7%94%E0%B6%BB%E0%B7%94+%E0%B6%9A%E0%B7%90%E0%B6%B6%E0%B7%90%E0%B6%BD%E0%B7%8A%E0%B6%BD%E0%B6%9A%E0%B7%8A.

මාරවිල  - මහරෝහලේ දැඩි සත්කාර ඒකකයේ ප්‍රතිකාර ලබන රෝගීන්ට ලබා දෙන එන්නත් කුප්පියක තිබී වීදුරු කැබැල්ලක් හමුවී ඇතැයි සෞඛ්‍ය සේවා වෘත්තීය සමිති සන්ධානය පවසනවා. එහි සභාපති සමන් රත්නප්‍රිය කියා සිටියේ ඊයේ මෙම වීදුරු කැබලි හමුවී ඇත්තේ මෙරපනම් නමැති ප්‍රතිජීවක ඖෂධ කුප්පියක් තුළ බවයි. පසුව, මේ බව එහි වෛද්‍යවරුන් විසින් රෝහලේ වෛද්‍ය අධිකාරිවරයා දැනුවත් කර තිබෙනවා. මේ පිළිබඳව හිරු ප්‍රවෘත්ති අංශය මාරවිල රෝහලේ වෛද්‍ය අධිකාරි දිමුත් පොන්වීරගෙන් විමසීමක් කළා. ඔහු සඳහන් කළේ අදාළ එන්නත් කුප්පිය සෞඛ්‍ය අමාත්‍යාංශය වෙත යැවීමට පියවර ගත් බවයි. පසුගිය වසරේ දෙසැම්බර් 28 වැනිදා කළුබෝවිල රෝහලේ එන්නත් කුප්පියක් තුළ තිබී මෙවැනිම වීදුරු කැබැල්ලක් හමුවුණා. ක්ලොක්සිසිලින් නමැති එම ප්‍රතිජීවක ඖෂධය අනතුරුව ශ්‍රී ලංකාව තුළ භාවිතයෙන් ඉවත් කිරීමටයි සෞඛ්‍ය අමාත්‍යාංශය පියවර ගත්තේ.