කෘෂි රසායන භාවිතයට නව නීති.

Sunday, 03 February 2013 - 13:09

%E0%B6%9A%E0%B7%98%E0%B7%82%E0%B7%92+%E0%B6%BB%E0%B7%83%E0%B7%8F%E0%B6%BA%E0%B6%B1+%E0%B6%B7%E0%B7%8F%E0%B7%80%E0%B7%92%E0%B6%AD%E0%B6%BA%E0%B6%A7+%E0%B6%B1%E0%B7%80+%E0%B6%B1%E0%B7%93%E0%B6%AD%E0%B7%92.

කෘමිනාශක, වල් නාශක හා රසායනික පොහොර භාවිතයේදී නව නීති ක්‍රියාත්මක කිරීමට රජය තීරණය කර ඇති බව සෞඛ්‍ය අමාත්‍යාංශය පවසනවා. කෘෂි කර්මාන්තයේදී බහුලව යොදා ගන්නා කෘමි නාශක, වල් නාශක හා රසායනික පොහොර ප්‍රමිතියකින් තොරව භාවිතා කිරීම අද වන විට බලවත් සෞඛ්‍ය ගැටලූවක් බවට පත්ව ඇති බවයි එම අමාත්‍යාංශය පෙන්වා දෙන්නේ. මේ හේතුවෙන් වාර්ෂිව පුද්ගලයන් දස දහසක් පමණ රෝහල් ගත වන අතර ඉන් 2000 ක් පමණ මරණයට පත්වන බව ද සෞඛ්‍ය අමාත්‍යාංශ වාර්තාවල සඳහන්. එමෙන්ම තවත් විශාල ප්‍රමාණයක් දරුණු රෝගාබාධවලට ගොදුරු වන බවයි සෞඛ්‍ය අමාත්‍යාංශය සඳහන් කළේ.