කොරියානු අර්ධද්වීපයේ යුද උණුසුම ඉහළට.

Monday, 01 April 2013 - 13:16

%E0%B6%9A%E0%B7%9C%E0%B6%BB%E0%B7%92%E0%B6%BA%E0%B7%8F%E0%B6%B1%E0%B7%94+%E0%B6%85%E0%B6%BB%E0%B7%8A%E0%B6%B0%E0%B6%AF%E0%B7%8A%E0%B7%80%E0%B7%93%E0%B6%B4%E0%B6%BA%E0%B7%9A+%E0%B6%BA%E0%B7%94%E0%B6%AF+%E0%B6%8B%E0%B6%AB%E0%B7%94%E0%B7%83%E0%B7%94%E0%B6%B8+%E0%B6%89%E0%B7%84%E0%B7%85%E0%B6%A7.


 

 
උතුරු කොරියාව, දකුණු කොරියාවට ප්‍රහාරයක් එල්ල කරන බවට නිල වශයෙන් ප්‍රකාශ කිරීමත් සමග කොරියානු අර්ධද්වීපය තුළ යුද උණුසුම මේ වනවිට තවදුරටත් ඉහළ ගොස් තිබෙනවා. දකුණු කොරියාව හා ඇමරිකාව උතුරු කොරියාව ආසන්නයේ යුද අභ්‍යාසයක් සිදු කිරීම මෙම උණුසුම ඉහළ යාමට ප්‍රධාන හේතුව වී තිබෙනවා. විදෙස් වාර්තා සඳහන් කළේ එම යුද අභ්‍යාසයේදී උතුරු කොරියාවට යම් බලපෑමක් සිදුවුවහොත් ඔවුන් දකුණු කොරියාවට ප්‍රහාර එල්ලකිරීමට සූදානම් බවයි. පසුගිය පෙබරවාරි 12 වැනිදා උතුරු කොරියාව විසින් සිය තෙවන න්‍යෂ්ටික අත්හදා බැලීමද සිදුකරනු ලැබුවා. ඉන් පසුව ජගත් සංවිධානය ප්‍රමුඛ ඇමරිකාව තමන්ට එරෙහිව තවදුරටත් සම්බාධක පැනවීම උතුරු කොරියාවේ උදහසට ලක්ව තිබෙනවා. මේ අතර නවතම විදෙස් වාර්තා සඳහන් කළේ එෆ් 22 නැමති නවීන පරපුරේ ප්‍රහාරක ජෙට් යානා ඇමරිකාව විසින් කොරියානු යුද අභ්‍යාසය සඳහා යොදාගෙන ඇති බවයි.