විකෘති වෙස් මුහුණු අලෙවිය තහනම්.

Thursday, 23 May 2013 - 12:47

%E0%B7%80%E0%B7%92%E0%B6%9A%E0%B7%98%E0%B6%AD%E0%B7%92+%E0%B7%80%E0%B7%99%E0%B7%83%E0%B7%8A+%E0%B6%B8%E0%B7%94%E0%B7%84%E0%B7%94%E0%B6%AB%E0%B7%94+%E0%B6%85%E0%B6%BD%E0%B7%99%E0%B7%80%E0%B7%92%E0%B6%BA+%E0%B6%AD%E0%B7%84%E0%B6%B1%E0%B6%B8%E0%B7%8A.

මෙරට වෙළඳ පොළ තුළ විකෘති වෙස් මුහුණු අලෙවි කිරීම තහනම් කිරීමට කටයුතු කරන බව බුද්ධශාසන අමාත්‍යාංශය පවසනවා. විදෙස් රටවලින් ආනයනය කරන සහ මෙරට නිෂ්පාදනය කරන විකෘති වෙස් මුහුණු සම්බන්ධයෙන් මහජන පැමිණිලි රැසක් සිය අමාත්‍යාංශය වෙත ඉදිරිපත් වී ඇති බවයි බුද්ධශාසන අමාත්‍යාංශයේ ලේකම් එම්. බී. දිසානායක ප්‍රකාශ කළේ. මේ සඳහා සහයෝගය ලබාදෙන ලෙස පොලිස්පතිවරයාගෙන් ද ඉල්ලීමක් කර ඇති බවයි ලේකම්වරයා තවදුරටත් කියා සිටියේ.

[MP3]s59513[/MP3]

එමෙන්ම වෙළඳ පොළ තුළ ප්‍රමිතියෙන් තොර පූජා භාණ්ඩ අලෙවි කරන පුද්ගලයන් සම්බන්ධයෙන්ද නීතිය ක්‍රියාත්මක කිරීමට කටයුතු කරන බව බුද්ධශාසන අමාත්‍යාංශ ලේකම් එම්. බී. දිසානායක සඳහන් කළා. අටපිරිකරට නොගැලපෙන භාණ්ඩ ඇතුළත් කර ව්‍යාජ ලෙස සකසන ලද අටපිරිකර වෙළඳපොළේ අලෙවි වන බවට වන පැමිණිලි සංඛ්‍යාවද ඉහළ ගොස් ඇති බව ඔහු වැඩිදුරටත් කියා සිටියා.

මේ අතර මහ ජනතාව භීතියට පත් කරන විකෘති වෙස් මුහුණු මෙරටට ගෙන්වන පුද්ගලයන් සහ අලෙවි කරන පුද්ගලයන් සම්බන්ධයෙන් අවශ්‍ය නීතිමය ක්‍රියාමාර්ග ගැනීමට රජයට යෝජනා කිරීමට  ශ්‍රී ලංකා නිදහස් පක්ෂයේ මහ ලේකම් අමාත්‍ය මෛත්‍රීපාල සිරිසේන සූදානම්වනවා. අමාත්‍යවරයාගේ ජ්‍යෙෂ්ඨ සම්බන්ධීකරණ නිලධාරියෙකු සඳහන් කළේ මේ පිළිබඳව අදාළ යෝජනාව මේ වනවිට සකස් කෙරෙමින් පවතින බවයි.