රටට හිමිදේ රැකගන්න. - ජනපති.

Wednesday, 12 June 2013 - 7:37

%E0%B6%BB%E0%B6%A7%E0%B6%A7+%E0%B7%84%E0%B7%92%E0%B6%B8%E0%B7%92%E0%B6%AF%E0%B7%9A+%E0%B6%BB%E0%B7%90%E0%B6%9A%E0%B6%9C%E0%B6%B1%E0%B7%8A%E0%B6%B1.+-+%E0%B6%A2%E0%B6%B1%E0%B6%B4%E0%B6%AD%E0%B7%92.

කොතැනක තිබුණත් රටට හිමිදේ ආරක්ෂා කරගැනීම සියලූදෙනාගේ වගකීම බව ජනාධිපති මහින්ද රාජපක්ෂ මහතා ප්‍රකාශ කළා. ජනාධිපතිවරයා කියා සිටියේ අපේ අතීත උරුමය සමස්ත රටවැසියන්ටම අයිති දෙයක් බවයි. ජීවිත පූජා කරමින් ලබාගත් ජයග්‍රහණය අනාගත පරපුරට ලබාදීමට නම් ඔවුන් යහපත් පරපුරක් ලෙස ගොඩනැගිය යුතු බව ජනාධිපතිවරයා කියා සිටියා. ජනාධිපති මහින්ද රාජපක්ෂ මහතා එම අදහස් පළ කළේ ඇහැලියගොඩ - නාපාවල ශ්‍රී සුමංගලාරාම විහාරස්ථානයේ අභිනවයෙන් ඉදිකළ දෙමහල් ධර්ම මන්දිරය ඊයේ (11) විවෘත කරමින්.

 
කුමන දේශපාලන මතයක් දැරුවද රටට වැඩදායී අනාගත පරපුරක් බිහිකළ යුතුයි. මේ වනවිට නොයෙක් ආකාරයේ දෙස් විදෙස් බලපෑම් මව්බිමට එරෙහිව එල්ලවෙමින් පවතිනවා. ඒවා පිළිබඳව සියලූදෙනා අවධානයෙන් පසුවිය යුතු බවද ජනාධිපති මහින්ද රාජපක්ෂ මහතා මෙහිදී අවධාරණය කළා. නීතිවලින් පමණක් හදවත් ගොඩනැගිය නොහැකි බව සිහිපත් කළ ජනාධිපතිවරයා යහපත් සිතුවිලිවලින් පිරිපුන් හදවත් ආගමික නායකයන්ට ගොඩනැංවිය හැකි බවද සඳහන් කර සිටියා.