අන්තවාදී ප්‍රහාරයකින් පාකිස්ථාන සරසවි සිසුවියන් ඇතුලූ 24 ක් මරුට.

Sunday, 16 June 2013 - 8:26

%E0%B6%85%E0%B6%B1%E0%B7%8A%E0%B6%AD%E0%B7%80%E0%B7%8F%E0%B6%AF%E0%B7%93+%E0%B6%B4%E0%B7%8A%E2%80%8D%E0%B6%BB%E0%B7%84%E0%B7%8F%E0%B6%BB%E0%B6%BA%E0%B6%9A%E0%B7%92%E0%B6%B1%E0%B7%8A+%E0%B6%B4%E0%B7%8F%E0%B6%9A%E0%B7%92%E0%B7%83%E0%B7%8A%E0%B6%AE%E0%B7%8F%E0%B6%B1+%E0%B7%83%E0%B6%BB%E0%B7%83%E0%B7%80%E0%B7%92+%E0%B7%83%E0%B7%92%E0%B7%83%E0%B7%94%E0%B7%80%E0%B7%92%E0%B6%BA%E0%B6%B1%E0%B7%8A+%E0%B6%87%E0%B6%AD%E0%B7%94%E0%B6%BD%E0%B7%96+24+%E0%B6%9A%E0%B7%8A+%E0%B6%B8%E0%B6%BB%E0%B7%94%E0%B6%A7.



බටහිර දිග පාකිස්ථානයේ ක්වෙටා නගරයේදී අන්තවාදී සන්නද්ධ කණ්ඩායමක් විසින් ඊයේ එල්ල කළ ප්‍රහාරයකදී සරසවි සිසුවියන් ඇතුලූ 24 දෙනෙකු ජීවිතක්ෂයට පත්වුණා. සන්නද්ධ කණ්ඩායම මුළින් සරසවි සිසුවියන් ගමන් ගත් බස් රථයක් පුපුරුවා ප්‍රහාරයක් එල්ල කළ අතර එහිදී සිසුවියන් 14 දෙනෙකු මියගොස් තිබෙනවා. තුවාල ලැබූවන් ඇතුළත් කළ රෝහලටද සන්නද්ධ පිරිස පසුව ප්‍රහාරයක් එල්ල කළා. එහිදී හෙදියන් ආරක්ෂකයන් ඇතුලූ තවත් දස දෙනෙකු ජීවිතක්ෂයට පත්වූ බවයි විදෙස් වාර්තා සඳහන් කළේ. පාකිස්ථානයේ අන්තවාදී ඉස්ලාමීය සන්නද්ධ කණ්ඩායමක් වන ලෂ්කාර් - ඉ -  ජාන්ග්වි මෙම ප්‍රහාරවල වගකීම භාරගෙන තිබෙනවා. 2009 වසරේ පාකිස්ථානයේ ලාහෝර් නුවරදී ශ්‍රී ලංකා ක්‍රිකට් ක්‍රීඩකයන්ට ප්‍රහාරයක් එල්ල කළේද මෙම කණ්ඩායමයි.