වයඹ සහ මධ්‍යම පළාත් සභා ඉදිරි සතියේ විසුරුවා හැරෙන ලකුණු.

Sunday, 16 June 2013 - 18:52

%E0%B7%80%E0%B6%BA%E0%B6%B9+%E0%B7%83%E0%B7%84+%E0%B6%B8%E0%B6%B0%E0%B7%8A%E2%80%8D%E0%B6%BA%E0%B6%B8+%E0%B6%B4%E0%B7%85%E0%B7%8F%E0%B6%AD%E0%B7%8A+%E0%B7%83%E0%B6%B7%E0%B7%8F+%E0%B6%89%E0%B6%AF%E0%B7%92%E0%B6%BB%E0%B7%92+%E0%B7%83%E0%B6%AD%E0%B7%92%E0%B6%BA%E0%B7%9A+%E0%B7%80%E0%B7%92%E0%B7%83%E0%B7%94%E0%B6%BB%E0%B7%94%E0%B7%80%E0%B7%8F+%E0%B7%84%E0%B7%90%E0%B6%BB%E0%B7%99%E0%B6%B1+%E0%B6%BD%E0%B6%9A%E0%B7%94%E0%B6%AB%E0%B7%94.

වයඹ සහ මධ්‍යම පළාත් සභා එළඹෙන 21 වැනි සිකුරාදා විසුරුවා හැරීමට නියමිත බව දේශපාලන ආරංචි මාර්ග සදහන් කළා. මේ අතර, මෙම පළාත් සභා දෙක ලබන 24 වන සඳුදා දිනයේදී විසුරුවා හැරීම පිළිබඳ ද රජයේ අවධානය යොමුව තිබෙනවා. වයඹ සහ මධ්‍යම පළාත් සභාවල නිළ කාලය අවසන්වීමට නියමිතව ඇත්තේ ලබන වසරේ මාර්තු මාසයේයි.    

කෙසේ වෙතත්, උතුර, වයඹ සහ මධ්‍යම පළාත් සභා  ඡන්ද විමසීම එකම දිනකදී පැවැත්වීම කෙරෙහි රජයේ අවධානය දැනටමත් යොමුව අවසන්. ඒ සම්බන්ධයෙන් පසුගිය දා පැවැති ශ්‍රී ලංකා නිදහස් පක්ෂ මධ්‍යම කාරක සභාවේ ද අනුමැතිය හිමි වුණා. බොහෝදුරට පළාත් සභා ඡන්ද විමසීම සැප්තැම්බර් මස 7 හෝ 21 යන දින දෙකෙන් එකකදී පවත්වනු ඇති බවයි දේශපාලන ආරංචි මාර්ග ප්‍රකාශ කළේ. මැතිවරණ පනතට අනුව පළාත් සභා විසුරුවා හැර සතියක් ඇතුළත නාමයෝජනා කැඳවීමේ ගැසට් නිවේදනය මැතිවරණ කොමසාරිස්වරයා විසින් ප්‍රකාශයට පත් කරනවා. එම ගැසට් නිවේදනය ප්‍රකාශයට පත් කර සති දෙකකින් පසුවයි නාමයෝජනා කැඳවනු ලබන්නේ. නාමයෝජනා කැඳවන අවසන් දිනයේ සිට සති 5 ත් 8 ත් ඇතුළත ඡන්ද විමසීම පැවැත්වීම සාමාන්‍ය සම්ප්‍රදායයි.

මේ අතර, උතුර, වයඹ සහ මධ්‍යම පළාත් සභා ඡන්ද විමසීම සදහා මැතිවරණ මහලේකම් කාර්යාලය මේ වන විටත් සූදානමින් සිටිනවා. එහි ප්‍රකාශකයෙකු සදහන් කළේ මැතිවරණයට අදාළ තැපැල් ඡන්ද පෝරම සහ නාම යෝජනා කැදවීමට අදාළ ලේඛන මුද්‍රණ කටයුතු සඳහා හෙට රජයේ මුද්‍රණාලයට භාර දෙන බවයි.



කොටුවේ ගොඩනැගිල්ලක සිටි නාවික සෙබලෙකුට කොරෝනා - 200ක් නිරෝධායනයට
Thursday, 28 May 2020 - 12:50

කොළඹ - කොටුව - සර් බාරෝන් ජයතිලක මාවතේ පිහිටි ගෆූර් ගොඩනැගිල්ලේ... Read More

ඇඳිරි නීතිය පැනවීම ගැන අලුත්ම නිවේදනය නිකුත්වෙයි (වීඩියෝ)
Thursday, 28 May 2020 - 12:27

ජූනි 06 සෙනසුරාදා දක්වා සහ ඉන්පසු රට තුළ ඇඳිරි නීතිය ක්‍රියාත්මක... Read More

නව ජීවන රටාවකට සෞඛ්‍ය අමාත්‍යංශයෙන් උපදෙස්
Thursday, 28 May 2020 - 11:45

කොවිඩ් 19 ව්‍යාප්තිය වළක්වමින් ‍පොදු මහජන සහ වෘත්තීය ක්‍රියාකාරකම්... Read More