13 වෙනුවෙන් ඉන්දියාව කැප විය යුතුයි. - ඉන්දීය කොමියුනිස්ට්.

Saturday, 22 June 2013 - 12:43

13+%E0%B7%80%E0%B7%99%E0%B6%B1%E0%B7%94%E0%B7%80%E0%B7%99%E0%B6%B1%E0%B7%8A+%E0%B6%89%E0%B6%B1%E0%B7%8A%E0%B6%AF%E0%B7%92%E0%B6%BA%E0%B7%8F%E0%B7%80+%E0%B6%9A%E0%B7%90%E0%B6%B4+%E0%B7%80%E0%B7%92%E0%B6%BA+%E0%B6%BA%E0%B7%94%E0%B6%AD%E0%B7%94%E0%B6%BA%E0%B7%92.+-+%E0%B6%89%E0%B6%B1%E0%B7%8A%E0%B6%AF%E0%B7%93%E0%B6%BA+%E0%B6%9A%E0%B7%9C%E0%B6%B8%E0%B7%92%E0%B6%BA%E0%B7%94%E0%B6%B1%E0%B7%92%E0%B7%83%E0%B7%8A%E0%B6%A7%E0%B7%8A.

13 වන සංශෝධනය යටතේ ශ්‍රී ලංකාවේ දෙමළ ජනතාවට යුක්තිය, සමානත්වය සහ ආත්මාභිමානය සැලසීම සඳහා ලක් රජයට රාජ්‍යතාන්ත්‍රික බලපෑමක් සිදුකළ යුතු බව ඉන්දීය කොමියුනිස්ට් පක්ෂය පවසනවා. ඉන්දීය අග්‍රාමාත්‍ය මන්මෝහන් සිං වෙත ලිපියක් යොමු කරමින් රාජ්‍ය සභාවේ එම පක්ෂ නායක සීතාරාම් යෙචූරි ප්‍රකාශ කළේ 13ට සංශෝධනය රජිව් - ජයවර්ධන ගිවිසුමේ ප්‍රතිඵලයක් බවයි. මේ නිසා එය ක්‍රියාවට නැංවීම සඳහා ඉන්දියාව කැප විය යුතු බව ඉන්දීය කොමියුනිස්ට් පක්ෂය පෙන්වා දෙනවා. එය සිදුකළ යුත්තේ දෙරට අතර සුහදත්වය ඒ ආකාරයෙන්ම පවත්වා ගනිමින්.

 
උතුරු පළාත් සභා මැතිවරණය ආසන්නයේ 13 වන සංශෝධනය යටතේ පළාත්වලට පැවරෙන බලතල දියකර හැරීමට ලක් රජය කටයුතු කරන බවට වාර්තා වී තිබෙනවා. එමගින් ශ්‍රී ලංකාව, ඉන්දියාව සහ ජගත් සංවිධානය ඇතුළු ජාත්‍යන්තර ප්‍රජාව වෙත ලබාදී ඇති පොරොන්දු ඉටු කිරීමට ඇති කැපවීම පිළිබද සැකයක් මතුවන බවයි ඉන්දීය කොමියුනිස්ට් පක්ෂය පවසන්නේ. 13 වන සංශෝධනයට වෙනස්කම් සිදුකිරීම උගත් පාඩම් හා ප්‍රතිසන්ධාන කොමිසමේ නිර්දේශවලට ද පටහැනි බව ඔවුන් තවදුරටත් සදහන් කළා.