ඩෙංගු බෝ කළ කොළඹ සරසවියේ පීඨයකට නඩු.

Saturday, 20 July 2013 - 18:46

%E0%B6%A9%E0%B7%99%E0%B6%82%E0%B6%9C%E0%B7%94+%E0%B6%B6%E0%B7%9D+%E0%B6%9A%E0%B7%85+%E0%B6%9A%E0%B7%9C%E0%B7%85%E0%B6%B9+%E0%B7%83%E0%B6%BB%E0%B7%83%E0%B7%80%E0%B7%92%E0%B6%BA%E0%B7%9A+%E0%B6%B4%E0%B7%93%E0%B6%A8%E0%B6%BA%E0%B6%9A%E0%B6%A7+%E0%B6%B1%E0%B6%A9%E0%B7%94.

ඩෙංගු මදුරුවන් බෝවන අයුරින් තම වටපිටාව පවත්වාගෙන ගිය කොළඹ විශ්වවිද්‍යාලයේ කළමනාකරණ පීඨයට එරෙහිව නඩු පවරා තිබෙනවා. කොළඹ මහ නගර සභාවේ ප්‍රධාන වෛද්‍ය නිලධාරී ප්‍රදීප් කාරියවසම් හිරු ප්‍රවෘත්ති අංශයට කියා සිටියේ ඊයේ (19) සිදුකළ පරීක්ෂාවකින් අනතුරුව මෙම තීරණය ගත් බවයි. පසුගිය ජුනි 05 වැනිදා කොළඹ විශ්වවිද්‍යාලයේ නීති පීඨ ශිෂ්‍යාවක් වන එස්.පී. නිසංසලා සමරසිංහ ජීවිතක්ෂයට පත්වුණේ ඩෙංගු රෝගය වැළඳීමෙන්. පසුව සිදුකළ පරීක්ෂාවකින් කොළඹ විශ්වවිද්‍යාලයේ නීති පීඨයේ සහ ඒ අවට ඩෙංගු මදුරු කීටයන් බෝවිය හැකි ස්ථාන රැසක් පැවති බවට අනාවරණය වුණා.

අනතුරුව විශ්වවිද්‍යාල භූමියේ පවතින මදුරුවන් බෝවිය හැකි ස්ථාන විනාශ කරන ලෙස විශ්වවිද්‍යාල පාලනාධිකාරියට කොළඹ මහ නගර සභාව විසින් දැනුම්දීමක්ද සිදුකළා. එහෙත් ඊයේ සිදුකළ පරීක්ෂාවකින් යළි තහවුරු වුණේ ඩෙංගු මදුරුවන් බෝවිය හැකි ස්ථාන කොළඹ විශ්වවිද්‍යාලයේ කළමනාකරණ පීඨය අවට පවතින බවයි. ඒ අනුව එම පීඨයේ ජ්‍යෙෂ්ඨ ලේඛකාධිකාරීවරයාට එරෙහිව අධිකරණයේ නඩු පැවරීමට තීරණය කළ බවයි කොළඹ මහ නගර සභාවේ ප්‍රධාන වෛද්‍ය නිලධාරී ප්‍රදීප් කාරියවසම් හිරු ප්‍රවෘත්ති අංශයට කියා සිටියේ.
 
[MP3]s63433[/MP3]