උණුසුම ගැන ශ්‍රී ලංකා - ඕස්ට්‍රේලියා නායකයන්ගෙන් අදහස්.

Tuesday, 29 January 2013 - 7:48

%E0%B6%8B%E0%B6%AB%E0%B7%94%E0%B7%83%E0%B7%94%E0%B6%B8+%E0%B6%9C%E0%B7%90%E0%B6%B1+%E0%B7%81%E0%B7%8A%E2%80%8D%E0%B6%BB%E0%B7%93+%E0%B6%BD%E0%B6%82%E0%B6%9A%E0%B7%8F+-++%E0%B6%95%E0%B7%83%E0%B7%8A%E0%B6%A7%E0%B7%8A%E2%80%8D%E0%B6%BB%E0%B7%9A%E0%B6%BD%E0%B7%92%E0%B6%BA%E0%B7%8F+%E0%B6%B1%E0%B7%8F%E0%B6%BA%E0%B6%9A%E0%B6%BA%E0%B6%B1%E0%B7%8A%E0%B6%9C%E0%B7%99%E0%B6%B1%E0%B7%8A+%E0%B6%85%E0%B6%AF%E0%B7%84%E0%B7%83%E0%B7%8A.


සංචාරක ශ්‍රී ලංකා කණ්ඩායම සහ  ඕස්ට්‍රේලියාව අතර ඊයේ (28) අවසන් වූ දෙවැනි විස්සයි විස්ස තරගය අතරතුර දෙපිළේ ක්‍රීඩකයන් අතර ඇති වූ උණුසුම් තත්ත්වය පිළිබදව කණ්ඩායම් නායකයන් දෙදෙනා අදහස් පළ කර තිබෙනවා. ඇන්ජලෝ මැතිව්ස් සහ ජෝර්ජ් බේලි ඒකාබද්ධ ප්‍රකාශයක් නිකුත් කරමින් සඳහන් කර ඇත්තේ තරගයේ ඇති වූ උණුසුම්කාරී ස්වභාවය හේතුවෙන් මෙවැනි සිදුවීමක් ඇති වූ බවයි. තරගයෙන් පසු දෙරටේ ක්‍රීඩකයන් අතර එවැනි තත්ත්වයක් ඇති නොවූ බව ද නායකයන් දෙදෙනා ප්‍රකාශ කළා. තරගයේ අවසන් පන්දුවට පෙර ශ්‍රී ලංකා ක්‍රීඩකයන් කෙටි සාකච්ඡාවක නිරත වූ අතර ඒ වන විට පන්දුවට පහරදෙමින් සිටි  ඕස්ට්‍රේලියානු ක්‍රීඩක ග්ලේන් මැක්ස්වෙල් පන්දු යවන ලෙස ශ්‍රී ලංකා ක්‍රීඩකයින්ගෙන් ආවේගාත්මක ඉල්ලීමක් කරනු ලැබුවා. ඊට මහේලගෙන් ලැබුණේ වේගවත් ප්‍රතිචාරයක්. කෙසේ වෙතත් තරගයෙන් අනතුරුව දෙපිළේ ක්‍රීඩකයන් සුබ පතා ගන්නා අවස්ථාවේදී ද උණුසුම් වචන හුවමාරුවක් සිදුවන අයුරු දක්නට ලැබුණා.