වෙලගෙදර නැවත කැඳවයි.

Thursday, 02 May 2013 - 19:11

%E0%B7%80%E0%B7%99%E0%B6%BD%E0%B6%9C%E0%B7%99%E0%B6%AF%E0%B6%BB+%E0%B6%B1%E0%B7%90%E0%B7%80%E0%B6%AD+%E0%B6%9A%E0%B7%90%E0%B6%B3%E0%B7%80%E0%B6%BA%E0%B7%92.



ශ්‍රී ලංකා වේග පන්දු යවක ක්‍රීඩක චානක වෙලගෙදර වසර 03 කට පසුව යළි එක්දින කණ්ඩායම සඳහා නම් කර තිබෙනවා. ඒ, එළැඹෙන ජුනි මස එංගලන්තයේදී ආරම්භ වන චැම්පියන්ස් කුසලාන එක්දින තරගාවලිය සඳහායී. එම තරගාවලිය සඳහා 15 දෙනෙකුගෙන් යුත් ශ්‍රී ලංකා සංචිතයද අද (02) ප්‍රකාශයට පත්කළා. එහි නායකත්වය ඇන්ජලෝ මැතිව්ස්ට හිමිව ඇති අතර, උප නායකත්වය හිමිව ඇත්තේ දිනේෂ් චන්දිමාල්ටයි. තිලකරත්න ඩිල්ෂාන්, කුමාර සංගක්කාර, මහේල ජයවර්ධන, ලහිරු තිරිමාන්න සහ කුසල් ජනිත් පෙරේරා පිතිකරුවන් ලෙස මෙම සංචිතයට නම් කර තිබෙනවා. වේග පන්දු යවන්නන් ලෙස කණ්ඩායමට එක්කර ඇත්තේ නුවන් කුලසේකර, ලසිත් මාලිංග, ෂමින්ද එරංග සහ චානක වෙලගෙදරයි. තිසර පෙරේරා, සචිත්‍ර සේනානායක සහ ජීවන් මෙන්ඩිස් මෙම සංචිතයට තුන් ඉරියව් ක්‍රීඩකයින් ලෙස එක්කර තිබෙනවා. කෙසේ වෙතත්, මෙම සංචිතයට උපුල් තරංග සහ අජන්ත මෙන්ඩිස් නම් කර නැහැ.