Update : ගාලු ක්‍රිකට් සංගම් සභාපති ඝාතනයේ ප්‍රධාන සැකකරු අත්අඩංගුවට

Wednesday, 28 September 2016 - 21:37

Update+%3A+%E0%B6%9C%E0%B7%8F%E0%B6%BD%E0%B7%94+%E0%B6%9A%E0%B7%8A%E2%80%8D%E0%B6%BB%E0%B7%92%E0%B6%9A%E0%B6%A7%E0%B7%8A+%E0%B7%83%E0%B6%82%E0%B6%9C%E0%B6%B8%E0%B7%8A+%E0%B7%83%E0%B6%B7%E0%B7%8F%E0%B6%B4%E0%B6%AD%E0%B7%92+%E0%B6%9D%E0%B7%8F%E0%B6%AD%E0%B6%B1%E0%B6%BA%E0%B7%9A+%E0%B6%B4%E0%B7%8A%E2%80%8D%E0%B6%BB%E0%B6%B0%E0%B7%8F%E0%B6%B1+%E0%B7%83%E0%B7%90%E0%B6%9A%E0%B6%9A%E0%B6%BB%E0%B7%94+%E0%B6%85%E0%B6%AD%E0%B7%8A%E0%B6%85%E0%B6%A9%E0%B6%82%E0%B6%9C%E0%B7%94%E0%B7%80%E0%B6%A7
ගාල්ල දිස්ත්‍රික් ක්‍රිකට් සංගමයේ සභාපති සහ කෝටිපති ව්‍යාපාරික ප්‍රේමසිරි හැළඹගේ ඝාතන සිද්ධියේ ප්‍රධාන සැකකරු සහ තවත් පුද්ගලයෙකු අත්අඩංගුවට ගෙන තිබෙනවා.

හික්කඩුව ප්‍රදේශයේදී ටී 56 ගිනි අවියක් සහ පිස්තෝලයක්ද සමඟ මොවුන් අත්අඩංගුවට ගත් බවයි අම්බලන්ගොඩ පොලීසිය ප්‍රකාශ කළේ.

ගාල්ල ක්‍රිකට් සංගම් සභාපති ප්‍රේමසිරි හැළඹගේ වෙඩි තැබීමකින් ඝාතනයට ලක්වුණේ පසුගිය අගෝස්තු මස 12 වනදා රාත්‍රියේදියි.

ජීප් රථයකින් සිය 12 හැවිරිදි පුතු සමඟ ගමන් කරමින් සිටියදී ඔහුගේ නිවස ආසන්නයේදී සුදු පැහැති මෝටර් රථයකින් පැමිණි පුද්ගලයන් දෙදෙනෙකු මෙම වෙඩි තැබීම සිදුකර පළාගොස් තිබුණා.

මේ අතර ඝාතනය පිළිබඳ සී සී ටී වී කැමරා දර්ශනද පොලීසිය ඊයේ මාධ්‍ය වෙත නිකුත් කළා.

ඝාතනයට ලක්වූ ප්‍රේමසිරි හැළඹගේ ගාල්ල දිස්ත්‍රිික් ක්‍රිකට් සංගමයේ සභාපති ධුරයට පත්ව තිබුණේ පසුගිය ජූලි 28 වනදා පැවති නිලවරණයේදියි.

ගැටළුකාරී තත්ත්වයන් මධ්‍යයේ ඔහු එම තනතුරට පත්වූ බවයි වාර්තා වුණේ.

ප්‍රේමසිරි හැළඹගේ සභාපති ධුරයට පත්වීම පිළි නොගත් ක්‍රිකට් ආයතනය මෙම නිලවරණය අගෝස්තු 27 වනදා යළි පවත්වන ලෙස ලිපියක් මගින් දැනුම්දීමක්ද සිදුකර තිබුණා.
 
එම තීරණයට එරෙහිව ප්‍රේමසිරි හැළඹගේ අධිකරණය හමුවට ගොස් තිබුණේ නිලවරණය යළි පැවැත්වීම වළක්වාලමින් වාරණ නියෝගයක් නිකුත් කරන ලෙස ඉල්ලමින්.

ඒ අනුව ගාල්ල දිස්ත්‍රික් ක්‍රිකට් සංගමයේ නිලවරණය යළි පැවැත්වීම අත්හිටුවමින් ප්‍රේමසිරි හැළඹගේ ඝාතනය කිරීමට දින තුනකට පෙර ගාල්ල දිසා අධිකරණය වාරණ නියෝගයක්ද නිකුත් කර තිබුණා.

ඔහුගේ ඝාතනය සිදු වූ අයුරු අසළ පිහිටි CCTV කැමරාවක සටහන්ව තිබුනේ මේ අයුරින්.



Update : Thursday, September 29, 2016 08.01
----------------------------------------------------------

ගාල්ල දිස්ත්‍රික් ක්‍රිකට් සංගමයේ හිටපු සභාපති ප්‍රේමසිරි හැලඹගේ මහතා වෙඩි තබා ඝාතනය කිරීමට අදාළ සී.සී.ටී.වී දර්ශන පෙළක් අප වෙත ලැබී තිබෙනවා.

වෙඩි තැබීම සිදුවූ ස්ථානය අසල සවිකර තිබූ ආරක්ෂිත කැමරාවක මෙම දර්ශන සටහන්ව තිබුණා.

ප්‍රේමසිරි හැලඹගේ මහතා අම්බලන්ගොඩ - මානිමුල්ල ප්‍රදේශයේ සිය නිවස අසලදී වෙඩි තබා ඝාතනය කෙරුණේ අගෝස්තු මස 12 වැනිදා රාත්‍රියේයි.

සිය පුතු සමග ජීප් රථයකින් ගමන් කරමින් සිටියදී මෝටර් රථයකින් පැමිණි තුවක්කුකරුවන් දෙදෙනෙක් ඒ මහතාට වෙඩි තබා පළාගොස් තිබුණා.

හැළඹගේ මහතා ගාල්ල දිස්ත්‍රික් ක්‍රිකට් සංගමයේ සභාපති ධුරයට පත්වූයේ ගැටලුකාරී තත්ත්වයක් මධ්‍යයේ පැවැති නිලවරණයකදී එම නිලවරණය පිළිනොගත් ශ්‍රී ලංකා ක්‍රිකට් ආයතනය එය නැවත පවත්වන ලෙස ලිපියක් මගින් දැනුම් දී තිබුණා.

එම තීරණයට එරෙහිව අධිකරණය හමුවට ගිය ප්‍රේමසිරි හැළඹගේ මහතා ගාලු දිස්ත්‍රික් ක්‍රිකට් සංගම් නිලවරණය යළි පැවැත්වීම වළක්වාලමින් වාරණ නියෝගයක් ලබා ගත්තා.

එම වාරණ නියෝගය ලබා දී දින තුනකට පසුවයි හැළඹගේ මහතා අම්බලන්ගොඩ මානිමුල්ල ප්‍රදේශයේදි ඝාතනයට ලක්වන්නේ.



Follow US

facebook youtube 32ins 32ins twitter 32ins 32ins

Most Viewed Stories