යාපනය සරසවි සිසුන් දෙදෙනාගේ මරණයට අත්අඩංගුවට ගත් පොලිස් නිලධාරින් 5දෙනා යළි රක්ෂිත බන්ධනාගාරයට

යාපනය සරසවියේ සිසුන් දෙදෙනෙකු යතුරුපැදියකින් ගමන් කරමින් සිටියදී සැකකටයුතු ලෙස මියයාමේ සිද්ධිය සම්බන්ධයෙන් අත්අඩංගුවට ගත් පොලිස් නිලධාරින් 5 දෙනා ලබන 30 වැනිදා දක්වා යළිත් රක්ෂිත බන්ධනාගාර ගත කෙරුණා.

ඒ ඔවුන් අද යාපනය අතිරේක මහේස්ත්‍රාත් වී.ටී. සිවලිංගම් හමුවට ඉදිරිපත් කිරීමෙන් අනතුරුවයි.

පසුගිය ඔක්තෝම්බර් 21 වැනිදා මධ්‍යම රාත්‍රීයේ යාපනය සරසවියේ සිසුන් දෙදෙනෙකු යාපනය - කොක්කුවිල් ප්‍රදේශයේදී යතුරුපැදියකින් ගමන් කරමින් සිටියදී රථ වාහන පරීක්ෂාවේ යෙදී සිටි පොලිස් කණ්ඩාම ඔවුන් නැවැත්වීමට උත්සාහ කර තිබෙනවා.

එහෙත්, අණ නොතකා ගමන් කිරීම නිසා පොලිසිය එහිදී වෙඩි තබා ඇති අතර, ඒ පිළිබදව අදාළ පොලිස් නිලධාරින් වාර්තා කර තිබුණේ නැහැ.