අලුත් ව්‍යවස්ථාව ගැන අතුරු වාර්තා කඩිනමින් ප්‍රකාශයට පත් කරන්න - TNA

Saturday, 01 July 2017 - 13:30

%E0%B6%85%E0%B6%BD%E0%B7%94%E0%B6%AD%E0%B7%8A+%E0%B7%80%E0%B7%8A%E2%80%8D%E0%B6%BA%E0%B7%80%E0%B7%83%E0%B7%8A%E0%B6%AE%E0%B7%8F%E0%B7%80+%E0%B6%9C%E0%B7%90%E0%B6%B1+%E0%B6%85%E0%B6%AD%E0%B7%94%E0%B6%BB%E0%B7%94+%E0%B7%80%E0%B7%8F%E0%B6%BB%E0%B7%8A%E0%B6%AD%E0%B7%8F+%E0%B6%9A%E0%B6%A9%E0%B7%92%E0%B6%B1%E0%B6%B8%E0%B7%92%E0%B6%B1%E0%B7%8A+%E0%B6%B4%E0%B7%8A%E2%80%8D%E0%B6%BB%E0%B6%9A%E0%B7%8F%E0%B7%81%E0%B6%BA%E0%B6%A7+%E0%B6%B4%E0%B6%AD%E0%B7%8A+%E0%B6%9A%E0%B6%BB%E0%B6%B1%E0%B7%8A%E0%B6%B1+-+TNA
අලුත් ව්‍යවස්ථාව සම්බන්ධයෙන් මේ වන විට සකස් කර ඇති අතුරු වාර්තා කඩිනමින් ප්‍රකාශයට පත් කරන ලෙස දෙමළ ජාතික සන්ධානය ආණ්ඩුවෙන් ඉල්ලීමක් කරනවා.

එහි පාර්ලිමේන්තු මන්ත්‍රී එම්.ඒ. සුමන්දිරන් යාපනයේ අද පැවැති මාධ්‍ය හමුවකට එක්වෙමින් කියා සිටියේ නව ව්‍යවස්ථාව සම්බන්ධයෙන් දෙමළ සන්ධානය, ශ්‍රී ලංකා නිදහස් පක්ෂය සහ ජනතා විමුක්ති පෙරමුණ සමඟ ද සාකච්ඡා කළ බවයි.

නිදහස් පක්ෂයේ ස්ථාවරය ලබන 04 වන දා සිට පැවැත්වෙන කමිටු රැස්වීමට ඉදිරිපත් කිරීමට නියමිතව ඇති අතර, එය ප්‍රමාදයකින් තොරව ප්‍රසිද්ධියට පත් කරන ලෙස ද පාර්ලිමේන්තු මන්ත්‍රී එම්.ඒ. සුමන්දිරන් ඉල්ලා සිටියා.  

දෙමළ ජනතාවගේ ගැටලූවලට නව ව්‍යවස්ථාවෙන් විසදුමක් නොලැබෙන්නේ නම් ආණ්ඩුවට සහාය ලබානොදෙන බව ද දෙමළ ජාතික සන්ධානය පවසනවා.

පාර්ලිමේන්තු මන්ත්‍රී එම්.ඒ සුමන්තිරන් කියා සිටියේ ජාතික ගැටලූ විසදා ගැනීමට නව ව්‍යවස්ථාව සම්පාදනය කිරීම අත්‍යාවශ්‍ය බවයි.

එමෙන්ම ජාතික ගැටලූවට විසදුමක් ලබා ගැනීමට නව ආණ්ඩුවක් බිහිකර එය පරාජය කිරීම අනුවණ ක්‍රියාවක් බවයි මන්ත්‍රීවරයා සදහන් කළේ. 

මේ අතර, නව ව්‍යවස්ථාව සකස් කිරීමේදී ඒකාබද්ධ විපක්ෂයේ යෝජනාවලට රජයෙන් මෙතෙක් නිසි ප්‍රතිචාරයක් ලැබී නොමැති බව එහි නායක, පාර්ලිමේන්තු මන්ත්‍රී දිනේෂ් ගුණවර්ධන පවසනවා.

නව ව්‍යවස්ථාව මගින් රටේ ඒකීය භාවය ආරක්ෂා විය යුතු බව අවධාරණය කරන ඔහු වැඩිදුරටත් සඳහන් කළේ ඒ පිළිබඳව තවදුරටත් රජය වෙත කරුණු ඉදිරිපත් කරන බවයි.

එමෙන්ම ඒකාබද්ධ විපක්ෂයේ නිර්දේශ සැළකිල්ලට නොගතහොත් පාර්ලිමේන්තුව තුළ නව ව්‍යවස්ථා කෙටුම්පත පරාජය කිරීමට කටයුතු කරන බවද පාර්ලිමේන්තු මන්ත්‍රී දිනේෂ් ගුණවර්ධන කියා සිටියා.



Follow US

facebook youtube 32ins 32ins twitter 32ins 32ins

Most Viewed Stories