ඩොල්ෆින් මසුන් දඩයම් කළ දෙදෙනෙකු තංගල්ලේදී අත්අඩංගුවට

ඇල්ලීමට තහනම්, මුහුදු ක්ෂීරපායි ඝනයට අයත් ඩොල්ෆින් මසුන් දෙදෙනෙකු මරා ප්‍රවාහනය කරමින් සිටි පුද්ගලයින් දෙදෙනෙකු නාවික හමුදාව අත්අඩංගුවට ගෙන තිබෙනවා.

නාවික හමුදාවට අයත් වෙරළාරක්ෂක දෙපාර්තමේන්තුවේ නිලධාරින් විසින් ඊයේ මෙම පුද්ගලයන් දෙදෙනා තංගල්ල - කුඩාවැල්ල ප්‍රදේශයේදී යතුරුපැදි මගින් ඩොල්ෆින් මසුන් දෙදෙනා රැගෙන යමින් සිටියදී අත්අඩංගුවට ගෙන ඇති බව සදහන්.

මෙම මත්ස්‍යයින් ධීවරයින් විසින් නීතිවිරෝධී ලෙස දඩයම් කර ඩිංගි යාත්‍රා මගින් ගොඩබිමට රැගෙන එන්නට ඇතැයි සැක පළ කෙරෙනවා.

අත්අඩංගුවට ගත් සැකකරුවන් දෙදෙනා සහ මත්ස්‍යයින් ඉදිරි නීතිමය කටයුතු සදහා කලමැටිය වනජිවි සංරක්ෂණ දෙපාර්තමේන්තුව වෙත භාරදීමට කටයුතු කර ඇති බවයි නාවික හමුදාව තවදුරටත් සදහන් කළේ.