නුවරඑළිය අහසේ සැකකටයුතු ඩ්‍රෝන යානයක්

නුවරඑළිය නගරය සහ ඒ අවට ස්ථාන කිහිපයක සැක කටයුතු අන්දමින් සැරිසැරූ ඩ්‍රෝන යානයක් සම්බන්ධයෙන් ආරක්ෂක අංශ විමර්ශනයක් ආරම්භ කර තිබෙනවා.

අද උදෑසන නුවරඑළිය නගරයේ ස්ථාන කිහිපයක අදාළ ඩ්‍රෝන යානය යවා ඇති බවටයි වාර්තා වන්නේ. නුවරඑළිය පොලිස් ස්ථානය, නගරය සහ තවත් ස්ථාන කිහිපයක් මෙලෙස ඩ්‍රෝන යානයෙන් වීඩියෝ ගත කර ඇති බවටයි ඇසින් දුටූවන් පොලීසියට පැමිණිලි කර ඇත්තේ.

උත්සව සමයත් සමඟ මේ දිනවල නුවරඑළිය නගරයේ වැඩි වශයෙන් දෙස් විදෙස් සංචාරකයින් රැදී සිටින අවස්ථාවක මෙලෙස සැකකටයුතු ලෙස සැරි සැරූ ඩ්‍රෝන යානය සම්බන්ධයෙන් විමර්ශන ක්‍රියාත්මක කිරීම සඳහා පොලීසියට අමතරව පොලිස් විශේෂ කාර්ය බලකාය ද යොදවා තිබෙනවා.