ජාතිභේදවාදී පක්ෂ තහනම් කරන්නැයි රජයට යෝජනාවක්.

දෙමළ, මුස්ලිම්, සිංහල ආදී ජාතිභේදවාදී දේශපාලන පක්ෂ තහනම් කිරීමට ආණ්ඩුව නීතියක් ගෙන ආ යුතු බව ත්‍රස්තවාදය පිළිබඳ ජාත්‍යන්තර විශ්ලේෂක මහාචාර්ය රොහාන් ගුණරත්න පවසනවා. ඔහු මේ බව කියා සිටියේ හිරු ප්‍රවෘත්ති අංශය සමග පැවැති විශේෂ සම්මුඛ සාකච්ඡාවකදියි.

 

ඔහු මෙහිදී සදහන් කළේ විදේශවල සිටින එල්.ටී.ටී.ඊ, හිතවාදීන් කොටස් 4කට බෙදී ඇති බවයි. මෙවර දෙමළ ජාතික සන්ධානයේ මැතිවරණ ප්‍රතිපත්ති ප්‍රකාශය එකල දෙමළ එක්සත් විමුක්ති පෙරමුණ වඩුක්කෝඬේ හිදී ඉදිරිපත් කළ ප්‍රකාශයට බෙහෙවින් සමාන බව ද මහාචාර්ය රොහාන් ගුණරත්න සදහන් කළා.

 

[MP3]s66654_1[/MP3]                                                                

 

සිංහල, දෙමළ, මුස්ලිම් ජාතිභේදවාදී ලෙස දේශපාලන සංවිධාන ක්‍රියාත්මකවීම තහනම් කළ යුතු බව ද ඔහු සදහන් කළා.

 

[MP3]s66654_2[/MP3]                                                   

 

එක්සත් ජාතීන්ගේ මානව හිමිකම් මහකොමසාරිස් නවනීදන් පිල්ලේ ශ්‍රී ලංකා සංචාරයෙන් පසු කළ ප්‍රකාශය සම්බන්ධයෙන් ද ඔහු අදහස් පළ කළා. ඇය සමූල ඝාතන මෙන්ම යුධ අපරාධ යන වචන භාවිත නොකිරීම පිළිබද දේශපාලනයේ ප්‍රචණ්ඩත්වය සහ ත්‍රස්තවාදී සමීක්ෂණ පිළිබඳ ආර්.එස්.අයි.එස්. ජාත්‍යන්තර මධ්‍යස්ථානයේ ප්‍රධානී මහාචාර්ය රොහාන් ගුණරත්න දැක්වූයේ ප්‍රසාදජනක හැගීමක්.

 
[MP3]s66654_3[/MP3]