ඉන්දියාවට ඔලිම්පික් තහනම් වීමේ අවදානමක්.

ආචාර ධර්ම සහ නීති රෙගුලාසිවලට අනුව කටයුතු නොකරන්නේ නම් ඉන්දියාවට එරෙහිව ඔලිම්පික් තහනමක් පැනවීම පිළිබඳව ජාත්‍යන්තර ඔලිම්පික් කමිටුවේ අවධානය යොමුවී තිබෙනවා. ඉන්දීය ඔලිම්පික් කමිටුවේ මැතිවරණ ක්‍රියාවලියට පැවති දේශපාලන බලපෑම් හේතුවෙන් ජාත්‍යන්තර කමිටුව ඊට එරෙහිව පසුගිය වසරේදී තාවකාලික තහනමක් පැනවූවා. ජාත්‍යන්තර ඔලිම්පික් කමිටුව ඉදිරිපත් කර ඇති කොන්දේසි ඉන්දියාව විසින් මෙතෙක් පිළිගෙන නැහැ. මේ නිසා ගතයුතු පියවර පිළිබඳව ජාත්‍යන්තර ඔලිම්පික් කමිටුව අද සාකච්ඡාවක් පැවැත්වීමට නියමිතයි. එහිදී ඉන්දියාව ඔලිම්පික් තරඟවලින් ඉවත් කිරිමක්ද සිදුකළ හැකියි. 1968 සිට 88 දක්වා දක්වා වර්ණ භේදවාදය පැවති සමයේ දකුණු අප්‍රිකාවට එරෙහිව ඔලිම්පික් තහනමක් පැනවුණු අතර, ඉන් පසු වෙනත් කිසිදු රටක් එලෙස තහනම් කර නැහැ.