හෙට සිට කන පලන්න බැහැ

අධිකව ශබ්දය නිකුත් කරන වාහන නළා මගින් ඇති කරන පරිසර දූෂණ හා මහජන පීඩාවන් වළක්වාලීම සඳහා එවැනි නළා ඉවත් කිරීමට හෙට දිනයේ සිට පියවර ගන්නා බව මධ්‍යම පරිසර අධිකාරිය පවසනවා.

ඒ අනුව පොලිසිය, මෝටර් රථ ප්‍රවාහන දෙපාර්තමේන්තුව, කාර්මික තාක්ෂණය ආයතනය සමඟ එක්ව මෙම වැඩසටහන ක්‍රියාත්මක කරන බවයි මධ්‍යම පරිසර අධිකාරියේ සභාපති මහාචාර්ය, ලාල් ධර්මසිරි කියා සිටියේ.