මංතීරු නීතිය අද සිට යළිත්

නියමිත මංතීරුවලින් බැහැරව අපරීක්ෂාකාරී ලෙස රථවාහන ධාවනය කරන රියදුරන් අත්අඩංගුවට ගන්නා මංතීරු නීතිය අද සිට යළි ක්‍රියාත්මක කිරීමට පොලීසිය සූදානම් වනවා. ඒ අනුව කොළඹට ඇතුලූවන සියලූම මාර්ගවල අද පෙරවරු හයේ සිට මෙම නීතිය ක්‍රියාවට නංවන බවයි පොලිස් මූලස්ථානය නිවේදනය කළේ.

ප්‍රධාන වශයෙන් ශ්‍රී ජයවර්ධනපුර මාර්ගයේ ජයන්ති පුර සිට කොළඹ දක්වා දිවෙන කොටසේ වැඩි නිලධාරීන් ප්‍රමාණයක් යොදවා මෙම නීතිය ක්‍රියාත්මක කෙරෙනු ඇති.  රථවාහන තදබදය සහ රථවාහන අනතුරු අවම කරගැනීම මෙහි අරමුණ බවයි පොලිස් මූලස්ථානය සඳහන් කළේ.