ලොකු ළූණු බීජ පැකට් 942 ක් ප්‍රවාහනය කළ 5 ක් අත්අඩංගුවට

%E0%B6%BD%E0%B7%9C%E0%B6%9A%E0%B7%94+%E0%B7%85%E0%B7%96%E0%B6%AB%E0%B7%94+%E0%B6%B6%E0%B7%93%E0%B6%A2+%E0%B6%B4%E0%B7%90%E0%B6%9A%E0%B6%A7%E0%B7%8A+942+%E0%B6%9A%E0%B7%8A+%E0%B6%B4%E0%B7%8A%E2%80%8D%E0%B6%BB%E0%B7%80%E0%B7%8F%E0%B7%84%E0%B6%B1%E0%B6%BA+%E0%B6%9A%E0%B7%85+5+%E0%B6%9A%E0%B7%8A+%E0%B6%85%E0%B6%AD%E0%B7%8A%E0%B6%85%E0%B6%A9%E0%B6%82%E0%B6%9C%E0%B7%94%E0%B7%80%E0%B6%A7

අනවසරයෙන් ලොකු ළූණු බීජ පැකට් 942 ක් ප්‍රවාහනය කළ පුද්ගලයින් 5 දෙනෙකු නාවික හමුදා අත්අඩංගුවට ගෙන තිබෙනවා.

නාවික හමුදාවට ලැබුණු බුද්ධි තොරතුරක් මතයි වයඹ නාවික විධානයට අනුයුක්ත නාවිකයන් පිරිසක් සහ සිලාවතුර පොලීසියේ නිලධාරීන් පිරිසක් එක්ව අද (26) මෙහෙයුම සිදු කර ඇත්තේ.

එක් ලොකු ළූණු බීජ පැකට්ටුවක බර ග්‍රෑම් 500ක් වන බව සඳහන්.

මෙම බීජ පැකට් තොගය සිලාවතුර, කොක්කුපඩයාන් ප්‍රදේශයේදී ජීප් රථයකින් සහ වෑන් රථයක් මගින් ප්‍රවාහනය කරමින් සිටියදී අත්අඩංගුවට ගෙන තිබෙනවා.

ඒවා අනවසරයෙන් මුහුදු මාර්ග ඔස්සේ ඉන්දියා‍වේ සිට මෙරටට රැගෙන එන්නට ඇතැයි සැක කෙරෙනවා.

අත්අඩංගුවට ගත් පුද්ගලයින්, වාහන සහ බීජ පැකට් තොගය ඉදිරි පරීක්ෂණ කටයුතු සඳහා සිලාවතුර පොලීසිය වෙත භාර දුන් බවයි නාවික හමුදාව සඳහන් කළේ.