තවත් සයිබර් ප්‍රහාරයක් ගැන අනතුරු ඇඟවීමක්

ලොව පුරා පරිගණක පද්ධති රැසකට බලපෑම් කරමින් පසුගිය සිකුරාදා සිදුවූ සයිබර් ප්‍රහාරයෙන් පසුව තවත් නවතම සයිබර් ප්‍රහාරයක් සිදුවීමට ඉතා ආසන්න බව පරිගණක පද්ධති ආරක්ෂකයෝ අනතුරු අඟවනවා.

පරිගණක පද්ධති ආරක්ෂකයෙකු වන  බ්‍රිතාන්‍ය ජාතික  MalwareTech විසින් පසුගියදා සිදුවූ සයිබර් ප්‍රහාරයේ රැන්සම්වෙයාර් මෘදුකාංගය පැතිරීම වැළැක්වනු  ලැබුවා.

 MalwareTech අවධාරණය කර තිබුණේ බොහෝ විට සඳුදා දිනය (හෙට) වනවිට තවත් සයිබර් ප්‍රහාරයක් සිදුවීමේ අවදානමක් පවතින බවයි.

පසුගීයදා පැතිර ගිය වෛරසය පරිගණක පද්ධතිවල ලිපිගොනු තම පාලනයට ගෙන ඇති අතර, ලොව පුරා රටවල්  99ක් මෙම සයිබර් ප්‍රහාරයට ගොදුරු වුණා.