ආණ්ඩුව ශක්තිමත් බව යූ.එන්.පී. කියයි

ආණ්ඩුව පිළිබඳ මතුව ඇති අර්බුදකාරී තත්ත්වය සම්බන්ධයෙන් එක්සත් ජාතික පෙරමුණේ මැති ඇමතිවරුන් සහ අග්‍රාමාත්‍ය රනිල් වික්‍රමසිංහ අතර සාකච්ඡාවක් ඊයේ (18) රාත්‍රියේ අරලියගහ මන්දිරයේදී පැවැත්වුණා.

එක්සත් ජාතික පෙරමුණ නියෝජනය කරන සියලූම පක්ෂවල නියෝජිතයින් මෙම රැස්වීමට එක්ව සිටි බවයි වාර්තාවන්නේ.

රැස්වීම අතරතුර පිටතට පැමිණි රාජ්‍ය අමාත්‍ය සූජීව සේනසිංහ මාධ්‍ය වෙත අදහස් පළ කරමින් කියා සිටියේ ආණ්ඩුව ශක්තිමත්ව ඉදිරියට ගෙන යාමට එක්සත් ජාතික පක්ෂය කටයුතු කිරීමට තීරණය කළ බවයි.

එමෙන්ම අග්‍රාමාත්‍ය ධුරයේ වෙනසක් සිදු නොවන බවද ඔහු එහිදී ප්‍රකාශ කළා.