කොග්ගල ප්‍රදේශයේ විහාරස්ථානයක ගින්නක් (ඡායාරූප)

කොග්ගල - ප්‍රදේශයේ විහාරස්ථානයක අද උදෑසන ගින්නක් හටගෙන තිබෙනවා.

පොලීසිය සඳහන් කළේ කොග්ගල - මහජන පොළ ආසන්නයේ ශ්‍රී ගුණදක්ෂිණාරාම විහාරස්ථානයේ මෙලෙස ගින්න හටගෙන ඇති බවයි.

විහාරස්ථානයේ තෙමහල් ගොඩනැගිල්ලක හට ගත් ගින්නෙන් කිසිවෙකුටත් හානියක් සිදුව නැහැ.

ගාල්ල මහනගර සභාවේ ගිනි නිවීමේ ඒකකයේ නිලධාරීන් එක්ව ගින්න මැඩ පවත්වා ඇති අතර ගින්නට හේතුව ද මෙතෙක් අනාවරණ වී නොමැති බවයි පොලීසිය සඳහන් කළේ.