කටාර් රාජ්‍යයෙන් කොරෝනා ආසාධිතයන් 238ක්

කටාර් රාජ්‍යයෙන් කොරෝනා වෛරසය ආසාධිත නව රෝගීන් 238ක් වාර්තාවී ඇතැයි එරට සෞඛ්‍ය අංශ පවසනවා.

පසුගිය ඉරිදා රෝගීන් හමුවූ නිවාස සංකීර්ණයෙන් ද රෝගීන් හමුවී ඇති බවටයි කටාර් බලධාරීන් සඳහන් කර ඇත්තේ.

මේ අනුව එරටින් හමුවී ඇති කොරෝනා වෛරස් ආසාධිතයන් සංඛ්‍යාව 262ක් දක්වා ඉහළ යනවා.

නිරෝධායනයට ලක්වීමට පෙර එම පිරිස් සමාජයේ සැරිසැරීම හේතුවෙන් ආසාධිතයන් සංඛ්‍යාව තවදුරටත් වැඩිවිය හැකි බවටයි කටාර් බලධාරීන් ප්‍රකාශකර ඇත්තේ.

කටාර් සෞඛ්‍ය බලධාරීන් සියලු ජනතාවගෙන් ඉල්ලීමක් කර ඇත්තේ ප්‍රජාවගේ ආරක්ෂාව සහතික කිරීම සඳහා ආරක්ෂිත පියවර අනුගමනය කරන ලෙසටයි.