කොරෝනා වෛරසය හේතුවෙන් කුවේට් රාජ්‍යය ගුවන් ගමන් අත්හිටුවන්න යයි

ලබන සිකුරාදා සිට සියලු ජාත්‍යන්තර මගී ගුවන් ගමන් යළි දැනුම්දෙන තෙක් අත්හිටුවීමට කුවේට් රාජ්‍ය තීරණය කර තිබෙනවා.

කෙසේවෙතත් අභ්‍යන්තර ගුවන් ගමන් තවදුරටත් සිදු කිරීමටයි තීරණය වී ඇත්තේ.

එමෙන්ම හෙට සිට ලබන 26 වනදා දක්වා රජයේ නිවාඩු දින ලෙසට ද ප්‍රකාශයට පත්කර තිබෙනවා.

කොරෝනා වෛරසය පැතිර යාම වැළැක්වීමේ අරමුණින් මෙම පියවර ගත් බවයි කුවේට් බලධාරීන් සඳහන් කර ඇත්තේ.

එමෙන්ම එරට පුරවැසියන්ට ආපන ශාලාවලදී හෝ පොදු ස්ථානවලදී ජනතාවට එකිනෙකා හමුවීම ද තහනම් කර තිබෙනවා.