මෙරටට පැමිණීමට නිකුත් කර ඇති සියළුම වර්ගයේ වීසා අත්හිටුවේ

මෙරටට පැමිණීමට ලබාදී ඇති විද්‍යුත් සංචරණ අනුමැතිය ඇතුළු සියලූම වර්ගයේ වීසා තාවකාලිකව අත්හිටුවීමට ආගමන විගමන දෙපාර්තමේන්තුව තීරණය කර තිබෙනවා.

එහි පාලක ජනරාල් සරත් රූපසිරි කියා සිටියේ සියළුම ගුවන් යානා වලට මෙරටට පැමිණීම අත්හිටුවීමත් සමඟ මේ මස 31 වනදා දක්වා බලපැවැත්වෙන පරිදි මෙම තීරණය ගත් බවයි.

කෙසේ වෙතත්, දැනට ලබාගෙන ඇති වීසා, අවලංගු වීමක් මේ හරහා සිදු නොවන බව ද ආගමන විගමන පාලකවරයා සදහන් කළා.

මේ අතර, එමිරේට්ස් ගුවන් සේවය ශ්‍රී ලංකාව සමඟ සිදුකෙරෙන සිය ගුවන් ගමන් මෙහෙයුම් ඊයේ රාත්‍රියේ සිට නැවත දැනුම් දෙන තුරු තාවකාලිකව අත්හිටුවනු ලැබුවා.

ඒ අනුව රාත්‍රී 9.55ට එම ගුවන් සේවයට අයත් ඊ.කේ. 651 දරණ යානය අවසන් වශයෙන් කටුනායක ගුවන් තොටුපළේ සිට ඩුබායි බලා පිටත්ව ගොස් තිබෙනවා.