ඇඳිරි නීතිය කැඩූ 10,730 ක් අත්අඩංගුවට

ඇඳිරි නීතිය උල්ලංඝනය කිරීම සම්බන්ධයෙන් අත්අඩංගුවට ගත් පුද්ගලයින් සංඛ්‍යාව 10,730 දක්වා ඉහළ ගොස් තිබෙනවා.

පොලිස් මාධ්‍ය කොට්ඨාශය සදහන් කළේ පසුගිය මාර්තු මස 20 වනදා සිට මේ දක්වා කාලය තුළ මොවුන් අත්අඩංගුවට ගනු ලැබූ බවයි.  

එමෙන්ම, ඇඳිරි නීතිය උල්ලංඝනය කිරීම සම්බන්ධයෙන් රථ වාහන 2657ක් ද පොලිස් භාරයට ගෙන තිබෙනවා.

ඊයේ (02) උදෑසන 6 සිට අද (03) උදෑසන 6 දක්වා කාලය තුළ පුද්ගලයන් 1264ක් අත්අඩංගුවට ගෙන ඇති අතර එම කාලය තුළ පොලිස් භාරයට ගනු ලැබූ වාහන සංඛ්‍යාව 325ක්.