Update : වීඩියෝ : අධ්‍යාපන අමාත්‍යාංශයේ ගින්නට හේතුව විදුලි කාන්දුවක්.

Update+%3A+%E0%B7%80%E0%B7%93%E0%B6%A9%E0%B7%92%E0%B6%BA%E0%B7%9D+%3A+%E0%B6%85%E0%B6%B0%E0%B7%8A%E2%80%8D%E0%B6%BA%E0%B7%8F%E0%B6%B4%E0%B6%B1+%E0%B6%85%E0%B6%B8%E0%B7%8F%E0%B6%AD%E0%B7%8A%E2%80%8D%E0%B6%BA%E0%B7%8F%E0%B6%82%E0%B7%81%E0%B6%BA%E0%B7%9A+%E0%B6%9C%E0%B7%92%E0%B6%B1%E0%B7%8A%E0%B6%B1%E0%B6%A7+%E0%B7%84%E0%B7%9A%E0%B6%AD%E0%B7%94%E0%B7%80+%E0%B7%80%E0%B7%92%E0%B6%AF%E0%B7%94%E0%B6%BD%E0%B7%92+%E0%B6%9A%E0%B7%8F%E0%B6%B1%E0%B7%8A%E0%B6%AF%E0%B7%94%E0%B7%80%E0%B6%9A%E0%B7%8A.

බත්තරමුල්ල - ඉසුරුපාය අධ්‍යාපන අමාත්‍යාංශය පිහිටි ගොඩනැගිල්ලේ හතරවන මහලේ විශ්‍රාම වැටුප් අංශයේ අද (20) උදෑසන ඇතිවු ගින්නෙන් දේපළවලට හෝ ලිපි ලේඛණවලට හානි සිදුව නොමැති බව අධ්‍යාපන අමාත්‍යාංශ ලේකම් අනුර දිසානායක පවසනවා. ඔහු කියා සිටියේ අද උදෑසන විශ්‍රාම වැටුප් අංශයේ සේවකයෙකු එහි වායු සමීකරණ යන්ත්‍රයක් ක්‍රියාත්මක කිරීමේදී විදුලි කාන්දුවක් හේතුවෙන් ගින්නක් හටගත් බවයි. පසුව එය වතුර යොදා නිවීමට සේවකයින් උත්සාහ කර ඇති අතර, ඒ සමඟ දුමාරයක් හට ගැනීම හේතුවෙන් ශ්‍රී ජයවර්ධනපුර කෝට්ටේ ගිනි නිවීමේ ඒකකයට මේ පිළිබඳව දැනුම් දුන් බවයි. කෙසේ වෙතත්, ගින්න මේ වනවිට සම්පූර්ණයෙන්ම මැඬපවත්වා තිබෙනවා.

මේ අතර, පසුගිය කාලයේ රජයේ ගොඩනැගිලි කිහිපයක මෙවැනි ගිනි ගැනීම් සිදුවුණා. කොළඹ කච්චේරිය, කොළඹ වරායේ සී.එෆ්.එස්. 01 ගුදමේ, සමූපකාර හා අභ්‍යන්තර වෙළඳ කටයුතු අමාත්‍යාංශයේ සහ බණ්ඩාරණායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේ තාවකාලික ගොඩනැගිල්ලකද පසුගිය කාලයේ ගිනි ගැනීම් වාර්තා වුණා.

Update : Friday, 20 December 2013 - 13:09
----------------------------------------------
අධ්‍යාපන අමාත්‍යාංශයේ ගින්න මැඩපවත්වයි.

බත්තරමුල්ල - පැලවත්ත - ඉසුරුපායේ පිහිටි අධ්‍යාපන අමාත්‍යාංශ ගොඩනැගිල්ලේ හතරවන මහලේ ඇතිවූ ගින්න මේ වනවිට පාලනය කර තිබෙනවා. අධ්‍යාපන අමාත්‍යාංශ ලේකම් අනුර දිසානායක සඳහන් කළේ අමාත්‍යාංශයේ විශ්‍රාම වැටුප් අංශයේ අද පෙරවරුවේ මෙම ගින්න හටගත් බවයි. ඉන් කිසිදු ලේඛණයකට හානි සිදු වී නොමැති බවද ඔහු සඳහන් කළා.

Update : Friday, 20 December 2013 - 9:40
--------------------------------------------------------------
අධ්‍යාපන අමාත්‍යාංශ ගොඩනැගිල්ලේ ගින්නක්.

Friday, 20 December 2013 - 8:59

බත්තරමුල්ල - පැලවත්ත - ඉසුරුපායේ පිහිටි අධ්‍යාපන අමාත්‍යාංශ ගොඩනැගිල්ලේ ඉහළ මාලයක මේ වනවිට ගින්නක් හටගෙන තිබෙනවා. තලංගම පොලිසිය කියා සිටියේ මේ වනවිට ගින්න මැඬපැවැත්වීම සඳහා කටයුතු කරමින් සිටින බවයි. එම ගින්න මැඬපැවැත්වීම සඳහා ශ්‍රී ජයවර්ධනපුර කෝට්ටේ මහ නගර සභාවේ ගිනි නිවන ඒකකයේ නිලධාරීන් මේ වනවිට පිටත්ව ගොස් ඇති බව සඳහන්. ගොඩනැගිල්ලේ වායුසමීකරණ යන්ත්‍රයක දෝෂයක් ගින්නට හේතුව ලෙසයි සැක කෙරෙන්නේ.