2017 අවසන්වනතුරු GSP සහනය නැවතත්

2017+%E0%B6%85%E0%B7%80%E0%B7%83%E0%B6%B1%E0%B7%8A%E0%B7%80%E0%B6%B1%E0%B6%AD%E0%B7%94%E0%B6%BB%E0%B7%94+GSP+%E0%B7%83%E0%B7%84%E0%B6%B1%E0%B6%BA+%E0%B6%B1%E0%B7%90%E0%B7%80%E0%B6%AD%E0%B6%AD%E0%B7%8A

ඇමරිකානු ජී.එස්.පී. තීරුබදු සහනය නැවතත් ශ්‍රී ලංකාවට හිමිවී තිබෙනවා. ඇමරිකනු වාණිජ දෙපාර්තමේන්තුව ප්‍රකාශ කළේ ඊට අදාළ නියෝගයට ජනාධිපති බැරැක් ඔබාමා පසුගියදා ජූනි 26 වැනිදා අත්සන් තැබූ බවයි.

ඇමරිකාව විදේශයන් සමඟ සිදුකරන ගණුදෙනුවලදී පවත්වාගෙන යනු ලබන ප්‍රමුඛතා සාමාන්‍යකරණ පද්ධතිය හෙවත් ජී.එස්.පී. රටවල් සහ කලාප 122 ක් සඳහා බලපැවැත්වෙනු ඇති.

මීට පෙර ක්‍රියාත්මක වූ ඇමරිකානු ජී.එස්.පී. තීරුබදු සහනය 2013 වසරේ ජූලි 13 වැනිදා අවසන් වුණා. එය මේ වසරේ ජූලි 29 වැනිදා සිට බලපැවැත්වෙන පරිදි ඇමරිකානු ජනාධිපතිවරයා විසින් නැවත ස්ථාපිත කර තිබෙනවා.

භාණ්ඩ 5000 කට ආසන්න සංඛ්‍යාවක් ඇමරිකාවට තීරුබදු රහිතව අපනයනය කළ හැකි මෙම ජී.එස්.පී. තීරුබදු සහනය 2017 වසරේ දෙසැම්බර් 31 දක්වා එය වලංගු වනු ඇති.

ශ්‍රී ලංකාවෙන් අපනයනය කරන රබර් ටයර්, ප්ලාස්ටික් ඇසුරුම් උපකරණ, රබර් අත්වැසුම්, සක්‍රීය කාබන්, කොහු නිෂ්පාදන සහ පිඟන් භාණ්ඩ වර්ග ආදිය සඳහා මෙම ජී.එස්.පී. සහනය බලපැවැත්වෙනවා.