කොළඹ සරසවියේ නව උපකුලපති මහාචාර්ය ලලිතා

%E0%B6%9A%E0%B7%9C%E0%B7%85%E0%B6%B9+%E0%B7%83%E0%B6%BB%E0%B7%83%E0%B7%80%E0%B7%92%E0%B6%BA%E0%B7%9A+%E0%B6%B1%E0%B7%80+%E0%B6%8B%E0%B6%B4%E0%B6%9A%E0%B7%94%E0%B6%BD%E0%B6%B4%E0%B6%AD%E0%B7%92+%E0%B6%B8%E0%B7%84%E0%B7%8F%E0%B6%A0%E0%B7%8F%E0%B6%BB%E0%B7%8A%E0%B6%BA+%E0%B6%BD%E0%B6%BD%E0%B7%92%E0%B6%AD%E0%B7%8F

කොළඹ විශ්වවිද්‍යාලයේ වැඩබලන උපකුලපතිවරයා ලෙස හෙට (30) සිට ක්‍රියාත්මක වන පරිදි එම විශ්වවිද්‍යාලයේම සම්මානනීය මහාචාර්යවරියක වන ලලිතා මෙන්ඩිස් පත්කර තිබෙනවා. විශ්වවිද්‍යාල ප්‍රතිපාදන කොමිෂන් සභාව ඒ සඳහා අනුමැතිය ලබාදී ඇති බව සඳහන්. මෙතෙක් එම විශ්වවිද්‍යාලයේ උපකුලපතිවරයා වශයෙන් කටයුතු කළ ආචාර්ය ඩබ්ලිව්.කුමාර හිරිඹුරේගම නිවාඩු ලබාගෙන ඇති බවයි විශ්වවිද්‍යාල ප්‍රතිපාදන කොමිසම පවසන්නේ. හිරු ප්‍රවෘත්ති අංශය සිදුකළ විමසීමකදී විශ්වවිද්‍යාල ප්‍රතිපාදන කොමිෂන් සභාවේ සභාපති මහාචාර්ය මොහාන්ද සිල්වා කියා සිටියේ ආචාර්ය ඩබ්ලිව්.කුමාර හිරිඹුරේගමගේ ගේ නිවාඩු ලිපියට අනුමැතිය ලබාදුන් බවයි.

පසුගිය කාල සීමාව තුළ කොළඹ විශ්වවිද්‍යාලයේ උපකුලපති ආචාර්ය ඩබ්ලිව්.කුමාර හිරිඹුරේගමට තනතුරෙන් ඉවත් වන ලෙස බලකරමින් විරෝධතා ක්‍රියාමාර්ග සිදුවුණා. ඒවා සංවිධාන කර තිබුණේ එම විශ්වවිද්‍යාලයේම ආචාර්යවරුන් විසින්. විශ්වවිද්‍යාල ආචාර්යවරුන්ගේ සංගමයද එම විරෝධතාවන්ට සහය පළ කළා. ආචාර්ය හිරිඹුරේගමට එල්ල වූ ප්‍රධාන චෝදනාව වූයේ සුදුසුකම් සහිත ආචාර්යවරුන් විශ්වවිද්‍යාලය තුළ සිටියදී ඔහු දේශපාලන හේතූන් මත උපකුලපති තනතුරට පත්කර ඇති බවටයි.

විශ්වවිද්‍යාල ආචාර්යවරුන්ගේ සමිති සම්මේලනයේ මාධ්‍ය ප්‍රකාශක ආචාර්ය නිර්මාල් රංජිත් දේවසිරි කියා සිටියේ අදාළ උපකුලපතිවරයා තාවකාලිකව නොව ස්ථිර වශයෙන් ඉවත් කළ යුතු බවයි.