විහාර පාර්ශවයන්හි සංයුතිය වෙනස් කළ නොහැකි වගන්තියක් ව්‍යවස්ථාවට

මෙරට විහාර පාර්ශවයන්හි සංයුතිය කිසිදු ජනාධිපතිවරයෙකුට හෝ රජයට වෙනස් කළ නොහැකි වන සේ විධිවිධාන නව ආණ්ඩුක්‍රම ව්‍යවස්ථාවට ඇතුළත් කිරීමට ආණ්ඩුව තීරණය කර තිබෙනවා.

අග්‍රාමාත්‍ය රනිල් වික්‍රමසිංහ ප්‍රමුඛ ආණ්ඩුවේ යෝජනාවකට අනුව සකස් කෙරෙන මෙම විධිවිධානය මගින් මෙරට කිසිදු විහාර පාර්ශවයක සංයුතිය වෙනස් කිරීමට කිසිවෙකුටත් අවස්ථාව හිමි නොවන බවයි අග්‍රාමාත්‍ය කාර්යාලයේ ජ්‍යෙෂ්ඨ ප්‍රකාශකයෙකු සදහන් කළේ.

නව ආණ්ඩුක්‍රම ව්‍යවස්ථාවේ මූලික වගන්ති කිහිපය අතරට විහාර පාර්ශව සංයුතිය වෙනස් කළ නොහැකියි යන යෝජනාවට ප්‍රමුඛස්ථානය දී සලකන බව එම ජ්‍යෙෂ්ඨ ප්‍රකාශකයා සදහන් කළා.

ඉහත විධිවිධාන ආණ්ඩුක්‍රම ව්‍යවස්ථාවට ඇතුළත් කිරීමෙන් පසු විහාර පාර්ශව සංයුතිය සම්බන්ධයෙන් කටයුතු කිරීමේ බලය මහානාහිමිවරුන් සහ අදාළ පාර්ශවයන්හි කාරක සංඝ සභාවලට නෛතිකව හිමිවන බව සදහන්.