ගිරව් ඇල්ලීමට මසක කාලයක්

මෙරට නොගැඹුරු වෙරළ තීරයේ ජීවත් වන ගිරව් නමැති මත්ස්‍ය විශේෂය ඇල්ලීම සඳහා මසක කාලයක් ලබාදීමට ධීවර අමාත්‍යාංශය තීරණය කර තිබෙනවා.

කොරල් පර සහ මුහුදු පැළෑටි අතර වෙසෙන අඩි 3ත්, 6ත් දක්වා වැඩෙන මෙම අලංකාර මත්ස්‍ය විශේෂය බහුලව වාසය කරන්නේ දකුණු මුහුදු තීරයේදියි.

මෙම මසුන් ඇල්ලීම පසුගිය සතියේදී තහනම් කිරීමට පසුගිය දා ධීවර අමාත්‍යාංශය තීරණය කළ අතර, මෙම මසුන් පිළිබඳ පාර්ශව කිහිපයකින් ඉදිරිපත්ව ඇති ඉල්ලීම් සැලකිල්ලට ගැනීමෙන් අනතුරුව මසුන් ඇල්ලීමට තවත් මසක කාලයක් ලබාදීමට පියවර ගත් බව එම අමාත්‍යාංශය සදහන් කළා.

කෙසේ වෙතත්, මේ සඳහා කොන්දේසි මාලාවක් සකස් කිරීමට ද පියවර ගෙන ඇති බවයි ධීවර අමාත්‍යාංශය කියා සිටියේ.