කොළඹ කුණු තාවකාලිකව වෙනත් ප්‍රදේශ දෙකකට

කොළඹ නගරය තුළ එක්රැස්වන කැලිකසල තාවකාලිකව වෙනත් ස්ථාන දෙකකට බැහැර කිරීමට රජය තීරණය කර තිබෙනවා.

විදේශ කටයුතු නියෝජ්‍ය අමාත්‍ය හර්ෂ ද සිල්වා හිරු ප්‍රවෘත්ති අංශයට සදහන් කළේ ජනාධිපතිවරයාගේ උපදෙස් පරිදි අද පැවති සාකච්ඡාවකදී මෙම තීරණය ගත් බවයි.

කැලිකසල බැහැර කරන ක්‍රමවේදය පිළිබද දීර්ඝ කාලීන විසදුමක් ක්‍රියාත්මක කිරීමේ අවශ්‍යතාව පිළිබදව ද මෙහිදී අවධාරණය කර තිබෙනවා.

අමාත්‍යවරුන් සහ මන්ත්‍රීවරුන් කිහිපදෙනෙකුගේ සහභාගිත්වයෙන් ඊට අදාළ කමිටුවක් පත් කර ඇති අතර එය හෙට දිනයේදී රැස් වන බව නියෝජ්‍ය අමාත්‍ය හර්ෂ ද සිල්වා ප්‍රකාශ කළා.