ධීවර සංගම්වලට ඇමතිගෙන් සාකච්ඡාවක්

Tuesday, 15 May 2018 - 12:39

%E0%B6%B0%E0%B7%93%E0%B7%80%E0%B6%BB+%E0%B7%83%E0%B6%82%E0%B6%9C%E0%B6%B8%E0%B7%8A%E0%B7%80%E0%B6%BD%E0%B6%A7+%E0%B6%87%E0%B6%B8%E0%B6%AD%E0%B7%92%E0%B6%9C%E0%B7%99%E0%B6%B1%E0%B7%8A+%E0%B7%83%E0%B7%8F%E0%B6%9A%E0%B6%A0%E0%B7%8A%E0%B6%A1%E0%B7%8F%E0%B7%80%E0%B6%9A%E0%B7%8A
භූමිතෙල් මිල ඉහළ දැමීමට විරෝධය පළ කරමින් අදත් වයඹ, බටහිර සහ දකුණු වෙරළ තීරයන්හි ධීවරයින් මුහුදු යාමෙන් වැළකී සිටිනවා.

කෙසේ වෙතත්, ධීවරයන්ට ලබාදීමට නියමිත භූමි තෙල් සහනාධාරය පිළිබදව සාකච්ඡා කිරීම සඳහා ධීවර සංගම් සහ විෂය භාර අමාත්‍ය විජිත් විජයමුණි සොයිසා අද පස්වරුවේ සාකච්ඡාවක් පැවැත්වීමට නියමිතයි.

ධීවර අමාත්‍යවරයා ඊයේ ප්‍රකාශ කළ පරිදි ධීවරයන්ට ලබාදෙන ඉන්ධනවල වර්ණයේ වෙනසක් සිදුකර ලබාදෙන්නේ නම්, තමන් ඊට එකඟ බවයි හලාවත ග්‍රාමීය ධීවර සංවිධානයේ සභාපති සුජිත් රෝෂන් ප්‍රනාන්දු ප්‍රකාශ කළේ.

හලාවත ධීවර සංවිධානයේ ලේකම් ඇන්ටන් සුදේශ් හිරු ප්‍රවෘත්ති අංශයට සදහන් කළේ අමාත්‍යවරයා සමඟ අද පැවැත්වෙන සාකච්ඡාවේදී ඒ පිළිබදව තීරණයකට එළඹෙන බවයි.

ප්‍රදේශ රැසක ධීවරයින් මුහුදු නොයෑම නිසා මත්ස්‍ය මිල ගණන් ද ඉහළ ගොස් තිබෙනවා.

දෛනිකව වැඩි වශයෙන් පරිභෝජනය කෙරෙන බලයා, කෙලවල්ලා සහ අලගොඩුවා යන මත්ස්‍ය වර්ගවල මිල වැඩි වශයෙන් ඉහළ ගොස් ඇති බවයි ධීවරයින් සඳහන් කළේ.

දෙවිනුවර, කුඩාවැල්ල සහ තංගල්ල යන ධීවර වරාය වලින් දෛනිකව ධීවර රැකියාවේ නිරත වන ධීවරයන් ද මුහුදු යාමෙන් වැළකී සිටීම නිසා ධීවර වරායවල ද පාළු ස්වභාවයක් දක්නට ලැබෙන බව අප වාර්තාකරුවන් සඳහන් කළා.


Follow US

facebook youtube 32ins 32ins twitter 32ins 32ins

Most Viewed Stories