ඉස්ලාම් අන්තවාදය මැඬලීමට ජනපතිවරණයට ඉදිරිපත් වන බව ගෝඨාභය කියයි

ඉස්ලාමීය අන්තවාදය මැඬලීමටත්, මෙරට බුද්ධි අංශ යළි ගොඩනැංවීමටත්, පුරවැසියන් අවදානමට සූදානම් කිරීමටත් තමා ජනාධිපතිවරණයට ඉදිරිපත් වන බව හිටපු ආරක්ෂක ලේකම් ගෝඨාභය රාජපක්ෂ පවසනවා.

රොයිටර් පුවත් සේවය සමඟ සම්මුඛ සාකච්ඡාවකට සහභාගි වෙමින් ඔහු කියා සිටියේ වත්මන් රජය බුද්ධි අංශ දුර්වල නොකළේ නම්, පාස්කු ඉරිදා ප්‍රහාරය වැළැක්වීමට හැකියාවක් තිබූ බවයි.

රජය එවැනි තත්ත්වයකට සූදානම්ව නොසිටි අතර සිද්ධියත් සමඟ වික්ෂිප්ත තත්ත්වයක් ඇති වූ බව හිටපු ආරක්ෂක ලේකම්වරයා කියා සිටියා.

අන්තවාදී සංවිධාන වර්ධනය වීම වැළැක්වීමට ගත යුතු පියවර රොයිටර් පුවත් සේවය සමඟ පැවති සාකච්ඡාවේදී පැහැදිලි කළ ඔහු තමා ජනාධිපතිවරණය සඳහා සියයට සියයක්ම සුදුසු අපේක්ෂකයෙකු බව අවධාරණය කළා.