හලාවතට සහ කුලියාපිටියට පනවා තිබූ පොලිස් ඇඳිරි නීතිය අවසන්

හලාවත නගරයේ ඊයේ (12) ඇතිවූ නොසන්සුන්කාරී තත්ත්වයක් පාලනය කිරීම සඳහා පනවා තිබූ පොලිස් ඇඳිරි නීතිය අද (13) අලුයම හතරට අවසන් කෙරුණා.

මේ අතර කුලියාපිටිය, බිංගිරිය, දුම්මලසූරිය යන පොලිස් බල ප්‍රදේශ සඳහා ඊයේ (13) රාත්‍රියේ පැනවූ පොලිස් ඇඳිරි නීතිය අද (13) උදෑසන හයට ඉවත් කර තිබෙනවා.

එම ප්‍රදේශවල ඇතිවු නොසන්සුන් තත්වයක් පාලනය කිරීම සඳහා මෙලෙස පොලිස් ඇඳිරි නීතිය පැනවීමට තීරණය කළ බවයි මාධ්‍ය ප්‍රකාශක පොලිස් අධිකාරී රුවන් ගුණසේකර සඳහන් කළේ.

මේ අතර එම ප්‍රදේශවල තත්ත්වය මේ වනවිට සාමකාමී බවයි පොලිසිය සඳහන් කළේ.