දක්ෂිණ අධිවේගී මාර්ගයේ බස් රථයක ගින්නක් (ඡායාරූප)

දක්ෂිණ අධිවේගී මාර්ගයේ කිලෝමීටර් 110 කණුව අසලදී ශ්‍රීලංගම බස් රථයක හදිසියේ ගිනි ගැනීමකට ලක්ව තිබෙනවා.

අද පස්වරු 3යි 54ට පමණ ඇතිවූ එම ගින්න නිවා දැමීමට අවශ්‍ය කටයුතු කරමින් සිටින බවයි මාර්ග සංවර්ධන අධිකාරිය සඳහන් කළේ.

කොට්ටාව මාකඹුර බහුවිධ ප්‍රවාහන මධ්‍යස්ථානයේ සිට හම්බන්තොට දක්වා ගමන් කළ අම්බලන්තොට ඩිපෝවට අයත් මෙම බස් රථයේ සිටි මගීන් ආරක්ෂිතව ඉවත් කර ගැනීමට කටයුතු කළ බවයි එම අධිකාරියේ ප්‍රකාශකයෙකු සඳහන් කළේ.

කාර්මික දෝෂයක් මෙම ගින්නට හේතු වී ඇති බවටයි සැක පළ කරන්නේ.