බදුල්ල රෝහලට ඇතුළත් කළ ඉරාන ජාතිකයාට කොරෝනා නොමැති බව තහවුරු වෙයි

බදුල්ල රෝහලට ඇතුළත් කෙරුණු ඉරාන ජාතිකයාට නව කොරෝනා වෛරසය ආසාදනය වී නොමැති බව තහවුරු වී තිබෙනවා.

ඔහුගේ ජෛව සාම්පල බොරැල්ල වෛද්‍ය පර්යේෂණායතනයට යොමුකළ සිදුකළ පරීක්ෂාවේදී ඒ බව තහවුරු වි ඇති බවයි බදුල්ල රෝහලේ අධ්‍යක්ෂ වෛද්‍ය උපුල් කරුණාරත්න සඳහන් කළේ.

ඔහුට වැළඳී ඇත්තේ සෙම්ප්‍රතිශ්‍යාව පමණක් බව තහවුරු වී ඇති අතර, ඒ අනුව ඔහු ඊයේ (08) දිනයේ රෝහලෙන් පිටව ගොස් තිබෙනවා.  

36 හැවිරිදි අදාළ ඉරාන ජාතිකයා පසුගිය 15 වනදා ඉරානයේ සිට මෙරටට පැමිණ තිබුණේ උමා ඔය ව්‍යාපෘතියේ ඇල්ල - කරදගොල්ල වැඩබිමේ සේවය කිරීම සඳහායි.